మా పోరు : ర‌ఘు బాబు గెలుపు
మా ఎన్నిక‌ల‌కు సంబంధించి విష్ణు ప్యానెల్ నుంచి ర‌ఘుబాబు గెలుపు సాధించారు. జ‌న‌ర‌ల్ సెక్ర‌ట‌రీగా ఆయ‌న జీవితపై పోటీ చేసి గెలుపు సాధించారు. మా కోశాధికారిగా శివ‌బాలాజీ స‌మీప ప్ర‌త్య‌ర్థి నాగినీడుపై గెలుపు సాధించారు. ఈ ఇద్ద‌రూ విష్ణు ప్యానెల్ కు చెందిన వారే! దీంతో విష్ణు ప్యానెల్ ఆనందోత్సాహాలు వ్య‌క్తం చేస్తున్నారు. అదేవిధంగా ఈసీ మెంబ‌ర్లుగా కూడా విష్ణు ప్యానెల్ నుంచి ఎనిమిది మంది విజ‌యం ఖ‌రారు అయింది. అయితే పోస్ట‌ల్ బ్యాలెట్ లెక్కించ‌నందున ఫ‌లితాల‌ను డిక్లైర్ చేయ‌లేదు. మా ఎన్నిక‌ల్లో మొద‌ట నుంచి హ‌డావుడి చేసిన జీవిత ఓడిపోవ‌డంతో విభిన్న అభిప్రాయాలు వ్య‌క్తం అవుతున్నాయి. ఆమె గ‌తంలో క‌న్నా ఈ సారి ప్ర‌క‌ట‌న‌లతోనే కాలం వెచ్చించ‌డం ఓ మైన‌స్ అని అంటున్నారు కొంద‌రు. ఏడు ఓట్ల తేడాతో జీవిత ఓట‌మితో ప్ర‌కాశ్ రాజ్ ప్యానెల్ నిరాశలో ఉండిపోయింది.