బ్యాంక్ బంపర్ ఆఫర్... కరోనాకు పర్సనల్ లోన్... మూడు లక్షల రూపాయల వరకు రుణం....!
దేశంలో అతి పెద్ద బ్యాంకులలో ఒకటైన పంజాబ్ నేషనల్ బ్యాంక్ సహ్యోగ్ కోవిడ్ 19 స్కీమ్ కింద తమ కస్టమర్లకు రుణాలను మంజూరు చేస్తుంది. దేశంలో కరోనాను సమర్థవంతంగా ఎదుర్కోవాలనే ఉద్దేశంతో బ్యాంక్ ఈ రుణాలను అందుబాటులోకి తెచ్చింది. పంజాబ్ నేషనల్ బ్యాంక్ కస్టమర్లు తమ కోసం లేదా తమ కుటుంబ సభ్యుల కోసం రుణాలను తీసుకోవచ్చు. పంజాబ్ నేషనల్ బ్యాంక్ కరోనా సోకిన వారికి ఆర్థికంగా చేయూత అందించాలనే లక్ష్యంతో ఈ లోన్ ను అందిస్తోంది.
8.05 శాతం వడ్డీ రేటుతో ఈ స్కీమ్ ద్వారా బ్యాంక్ నుంచి గరిష్టంగా మూడు లక్షల రూపాయల రుణం తీసుకోవచ్చు. ఈ స్కీమ్ ద్వారా ఎమర్జెన్సీ ఖర్చులను అధిగమించవచ్చు. 8.05 శాతం వడ్డీతో పంజాబ్ నేషనల్ బ్యాంక్ కస్టమర్లకు ఈ రుణాలను అందిస్తోంది. ప్రముఖ కంపెనీలు, ప్రభుత్వ రంగ సంస్థలు, కేంద్ర రాష్ట్ర ప్రభుత్వాలు ఈ లోన్ కోసం దరఖాస్తు చేసుకోవచ్చు. ప్రైవేట్ రంగ సంస్థలలో శాశ్వత ఉద్యోగులుగా పని చేసే వారు కూడా దరఖాస్తు చేసుకోవచ్చు.
పంజాబ్ నేషనల్ బ్యాంక్ తమ బ్యాంక్ లో శాలరీ అకౌంట్ ఉన్నవారికి మాత్రమే ఈ అవకాశం కల్పిస్తోంది. గతంలో పంజాబ్ నేషనల్ బ్యాంక్ లో హోం లోన్ తీసుకున్నవారు కూడా ఈ లోన్ కోసం దరఖాస్తు చేసుకోవచ్చు. ఎటువంటి సెక్యూరిటీ అవసరం లేకుండా ఈ లోన్ కోసం దరఖాస్తు చేసుకోవచ్చు. 36 నెలలలోగా తీసుకున్నా రుణ మొత్తాన్ని చెల్లించాల్సి ఉంటుంది. బ్యాంక్ ఈ తరహా రుణాలపై ప్రాసెసింగ్ ఫీజు కూడా వసూలు చేయకపోవడం గమనార్హం.