NRIలు ఆధార్ కార్డుకి ఎలా అప్లై చెయ్యాలి?
భారతదేశంలో ఈ రోజుల్లో ఆధార్ కార్డు చాలా ముఖ్యమైన డాక్యుమెంట్ గా మారింది. బ్యాంకింగ్, వాహన రిజిస్ట్రేషన్ ఇంకా అనేక రకాల బీమా పాలసీలతో సహా అనేక ఇతర సేవలను పొందేందుకు ఈరోజుల్లో దీని ఉపయోగం ప్రతి ఒక్క వ్యక్తికీ చాలా అవసరం. ఇక ఆధార్ కార్డ్‌లో మీ బయోమెట్రిక్స్ ప్రామాణీకరించబడిన సమాచారం ఉంది.ఇంకా ముఖ్యమైన వ్యక్తిగత సమాచారం కూడా రికార్డ్ చేయబడింది. uidai ఆగస్టు 25, 2021న తిరిగి ఈ అంశంపై సోషల్ మీడియాలో ఒక పోస్ట్ కూడా పెట్టడం జరిగింది. ఆ పోస్ట్ లో దేశ పౌరులు 182 రోజులు వేచి ఉండాల్సిన అవసరం లేదని తెలియజేస్తుంది. అలాగే చెల్లుబాటు అయ్యే భారతీయ పాస్‌పోర్ట్‌ను కలిగి ఉన్న ఎన్‌ఆర్‌ఐ (మైనర్ లేదా వయోజన) ఏదైనా ఆధార్ కేంద్రం నుండి ఆధార్ కోసం దరఖాస్తు చేసుకోవచ్చు.NRI దరఖాస్తుదారులకు గుర్తింపు రుజువు (PoI)గా చెల్లుబాటు అయ్యే ఇండియన్ పాస్‌పోర్ట్ అనేది చాలా తప్పనిసరి.కాబట్టి దరఖాస్తుదారులు uidai ఆమోదించిన డాక్యుమెంట్స్ లిస్ట్ ప్రకారం చెల్లుబాటు అయ్యే సపోర్టింగ్ ప్రూఫ్ ఆఫ్ అడ్రస్ (PoA)తో ఏదైనా ఇతర భారతీయ చిరునామాను ఇవ్వడానికి ఎంచుకోవచ్చు.
ఎలా అప్లై చేసుకోవాలంటే..మీకు సౌకర్యంగా ఉండే ఏదైనా ఆధార్ కేంద్రాన్ని సందర్శించండి. తరువాత చెల్లుబాటు అయ్యే భారతీయ పాస్‌పోర్ట్‌ను మీతో తీసుకెళ్లండి నమోదు ఫారమ్‌లో వివరాలను పూరించండి. ఎన్‌ఆర్‌ఐ ఇమెయిల్ ఐడి ఇవ్వడం అనేది తప్పనిసరి.NRI నమోదు కోసం డిక్లరేషన్ కొద్దిగా డిఫరెంట్ గా ఉంటుంది. మీ నమోదు ఫారమ్‌లో దాన్ని చదివి సంతకం చేయండి. ఆ తరువాత మిమ్మల్ని NRIగా నమోదు చేయమని ఆపరేటర్‌ని అడగండి. ఇక గుర్తింపు రుజువుగా మీ పాస్‌పోర్ట్ ఇవ్వండి మీరు మీ పాస్‌పోర్ట్‌ను అడ్రస్ ఇంకా పుట్టిన తేదీ రుజువుగా ఉపయోగించడాన్ని ఎంచుకోవచ్చు లేదా దీని కోసం (uidai.gov.in/images/commdoc/valid_documents_list.pdf ప్రకారం) బయోమెట్రిక్ క్యాప్చర్ ప్రక్రియను పూర్తి చేయండి. ఇక మీరు సమర్పించడానికి ఆపరేటర్‌ను అనుమతించే ముందు స్క్రీన్‌పై అన్ని వివరాలను (ఇంగ్లీష్ ఇంకా స్థానిక భాషలో) చెక్ చేయండి. మీ 14 అంకెల ఎన్‌రోల్‌మెంట్ ID ఇంకా తేదీ & సమయ స్టాంప్‌ని కలిగి ఉన్న రసీదు స్లిప్/ నమోదు స్లిప్‌ను సేకరించండి. మీరు .uidai.gov.in/check-aadhaar నుండి మీ ఆధార్ స్టేటస్ ని చెక్ చేయవచ్చు.