గోల్డ్ లోన్స్‌పై తక్కువ వడ్డీ తీసుకునే టాప్ బ్యాంక్స్ ఇవే..?

Suma Kallamadi
ప్రస్తుత రోజులలో ప్రతి ఒక్కరూ రుణాల మీద ఆధారపడుతున్నారు. ఇటీవల కాలంలో రుణగ్రహీతల సంఖ్య విపరీతంగా పెరిగిపోయింది. అవసరం పెద్దదైనా, చిన్నదైనా సరే ప్రజలు మాత్రం క్రెడిట్ సహాయం తీసుకుంటున్నారు. ఇంటి నిర్మాణం, వ్యాపారం నుంచి పిల్లల చదువుల వరుకు అన్నింటికీ రుణాలపైనే ఆధారపడుతున్నారు చాలామంది ప్రజలు. ప్రస్తుతం దేశంలోని చాలా బ్యాంకులు బంగారు రుణాలను అందజేస్తున్నాయి. బ్యాంకులకు తోడు ప్రజలకు బంగారు రుణాలను అందించే అనేక నాన్ బ్యాంకింగ్ ఫైనాన్షియల్ కంపెనీలు కూడా చాలానే ఉన్నాయి. సాధారణంగా ఇతర రుణాలతో పోలిస్తే గోల్డ్ లోన్‌ తక్కువ వడ్డీతో లభిస్తుంది. అంతేకాకుండా ఇతర రుణాల కంటే వేగంగా కూడా అందుబాటులో ఉంటుంది గోల్డ్ లోన్‌. ఇక ఈ లోన్ పొందాలంటే 18 - 75 సంవత్సరాల మధ్య వయస్సు గల భారతీయ నివాసి అయివుంటే చాలు.
అసలు గోల్డ్ లోన్‌ అంటే ఏంటి..?
సాధారణంగా గోల్డ్ లోన్ అనేది ఒక రకమైన సెక్యూర్డ్ లోన్, ప్రజలు తమ బంగారాన్ని తాకట్టు పెట్టి డబ్బును  తీసుకుంటారు. గోల్డ్ లోన్ ఇచ్చే వారు బంగారం విలువ ఆధారంగా రుణ మొత్తాన్ని డిసైడ్ చేసి డబ్బును ప్రజలకు ఇస్తారు. అంతేకాకుండా ఇతర బ్యాంకు రుణాల కంటే గోల్డ్ లోన్ చాలా సేఫ్ అని ప్రజల భావన. ఇంతకుముందు బంగారంపై నగల వ్యాపారులు లేదా వడ్డీ వ్యాపారుల నుండి డబ్బు అప్పుగా తీసుకునే వారు. ఇప్పుడు బ్యాంకులు కూడా అదే పాటించడం చాలా కామన్ గా మారిపోయింది.
గోల్డ్ లోన్ పొందాలంటే ముందుగా మీ బంగారు నగలు లేదా ఇతర వస్తువులను బ్యాంకులో డిపాజిట్ చేయాల్సి ఉంటుంది. మీరు ఇచ్చిన బంగారు విలువను బట్టి  బ్యాంకు వారు మీకు రుణం ఇస్తారు. అలాగే రుణాన్ని తిరిగి చెల్లించినప్పుడు, మీరు డిపాజిట్ చేసిన బంగారాన్ని తిరిగి తీసుకోవచ్చు. సాధారణంగా., బంగారు రుణాలపై వడ్డీ రేట్లు 8.25% నుంచి 18% వరకు ఉంటాయి. ఇక గోల్డ్ లోన్ తీసుకునే వారు లోన్ ను 6 నుంచి 36 నెలల వరకు తిరిగి ఇచ్చేందుకు సమయాన్ని ఉపయోగించవచ్చు.
దేశంలోని 6 అతిపెద్ద బ్యాంకుల్లో బంగారు రుణాలపై వడ్డీ రేటు వివరాలు ఇలా ఉన్నాయి.  
స్టేట్ బ్యాంక్ ఆఫ్ ఇండియా - 8.65%
పంజాబ్ నేషనల్ బ్యాంక్ -9.25%
హెచ్‌డిఎఫ్‌సి బ్యాంక్ -11.98%
ఐసీఐసీఐ బ్యాంక్ -14.65%
యాక్సిస్ బ్యాంక్ -17%
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

gold loan

సంబంధిత వార్తలు: