డైరెక్టుగా మోడీనే టార్గెట్ చేసిన కేసీఆర్?
కేంద్రంతో యుద్ధానికి సిద్ధంగా ఉన్న తెలంగాణ సీఎం కేసీఆర్.. ఇప్పుడు ఏకంగా ప్రధాని మోదీనే టార్గెట్ చేశారు. ధాన్యం కొనుగోళ్ల అంశంపై కొన్ని నెలలుగా పోరాడుతున్న కేసీఆర్.. ఇప్పుడు ఇదే అంశంపై డైరెక్టుగా ప్రధానికి లేఖ రాశారు. రబీ సీజన్‌లో తెలంగాణలో పండిన మొత్తం వరి ధాన్యం అంతా కొనాలని ఆ లేఖలో సీఎం కేసీఆర్ విజ్ఞప్తి చేశారు. మొత్తం ధాన్యం సేకరించకపోతే కనీస మద్ధతు ధర అనే పదానికి అర్థం ఏముంటుందని ప్రశ్నించడం ద్వారా సీఎం కేసీఆర్ దేశవ్యాప్తంగా మద్దతు ధరపై చర్చకు ప్రయత్నించారు. ధాన్యాన్ని పూర్తిగా సేకరించకపోతే రైతులు, వ్యవసాయరంగంపై తీవ్ర ప్రభావం ఉంటుందన్నారు కేసీఆర్.
భారత దేశం చాలా పెద్ద దేశమని.. ఇంతటి దేశానికి అన్నం పెట్టాలంటే.. చాలా ప్రణాళిక అవసరమని ఇటీవల కేసీఆర్ తరచూ చెబుతూ వస్తున్నారు. దేశానికి అన్నం పెట్టే ప్రణాళికలు అమలు చేయడంలో మోదీ విఫలం అవుతున్నారని కూడా కేసీఆర్ రాజకీయ వేదికలపై మోదీపై ఆరోపణలు గుప్పిస్తున్నారు. ఇక ధాన్యం కొనుగోలు అంశంపై కేంద్రాన్ని దోషిగా నిలబెట్టాలని సీఎం కేసీఆర్ కొంతకాలంగా ప్రయత్నిస్తున్నారు. పండిన ధాన్యం మొత్తం కొనకపోతే.. జాతీయ ఆహార భద్రతా లక్ష్యానికి దెబ్బ తగులుతుందని కేసీఆర్ చెప్పడం జాతీయ ప్రయోజనాల కోసం తాము ప్రయత్నిస్తున్నామని చెప్పకనే చెబుతున్నారు.
ఇప్పటికే ఈ అంశంపై కేంద్రానికి తెలంగాణ ప్రభుత్వానికి మధ్య మాటల యుద్ధం కొనసాగుతూనే ఉంది. సీఎంగా 8 ఏళ్ల పాలన పూర్తి చేసుకున్న కేసీఆర్.. మొదట్లో ప్రధాని మోడీతో సఖ్యతగానే ఉన్నారు. మొదటి విడత పాలనలో పెద్దగా కేంద్రంతో ఘర్షణ వైఖరి లేదు.. రెండో విడతలోనూ మొదట్లో పెద్దగా ఇబ్బందులు తలెత్తలేదు. కానీ.. కొన్ని నెలలుగా కేంద్రంపై, బీజేపీపై కేసీఆర్ పూర్తి వ్యతిరేకతగా ఉన్నారు. తెలంగాణలో బీజేపీ ఫామ్‌లోకి వస్తుందన్న విషయాన్ని గ్రహించిన కేసీఆర్.. ఆ పార్టీని టార్గెట్ చేసుకున్నారు. అయితే.. ఇదంతా పొలిటికల్ గేమ్ అని.. కాంగ్రెస్ పార్టీ ఎదగకుండా కేసీఆర్ కావాలనే బీజేపీతో యుద్ధాన్ని ప్రమోట్ చేస్తున్నారన్న వాదన కూడా ఉంది.
భారత దేశం చాలా పెద్ద దేశమని.. ఇంతటి దేశానికి అన్నం పెట్టాలంటే.. చాలా ప్రణాళిక అవసరమని ఇటీవల కేసీఆర్ తరచూ చెబుతూ వస్తున్నారు. దేశానికి అన్నం పెట్టే ప్రణాళికలు అమలు చేయడంలో మోదీ విఫలం అవుతున్నారని కూడా కేసీఆర్ రాజకీయ వేదికలపై మోదీపై ఆరోపణలు గుప్పిస్తున్నారు. ఇక ధాన్యం కొనుగోలు అంశంపై కేంద్రాన్ని దోషిగా నిలబెట్టాలని సీఎం కేసీఆర్ కొంతకాలంగా ప్రయత్నిస్తున్నారు. పండిన ధాన్యం మొత్తం కొనకపోతే.. జాతీయ ఆహార భద్రతా లక్ష్యానికి దెబ్బ తగులుతుందని కేసీఆర్ చెప్పడం జాతీయ ప్రయోజనాల కోసం తాము ప్రయత్నిస్తున్నామని చెప్పకనే చెబుతున్నారు.
ఇప్పటికే ఈ అంశంపై కేంద్రానికి తెలంగాణ ప్రభుత్వానికి మధ్య మాటల యుద్ధం కొనసాగుతూనే ఉంది. సీఎంగా 8 ఏళ్ల పాలన పూర్తి చేసుకున్న కేసీఆర్.. మొదట్లో ప్రధాని మోడీతో సఖ్యతగానే ఉన్నారు. మొదటి విడత పాలనలో పెద్దగా కేంద్రంతో ఘర్షణ వైఖరి లేదు.. రెండో విడతలోనూ మొదట్లో పెద్దగా ఇబ్బందులు తలెత్తలేదు. కానీ.. కొన్ని నెలలుగా కేంద్రంపై, బీజేపీపై కేసీఆర్ పూర్తి వ్యతిరేకతగా ఉన్నారు. తెలంగాణలో బీజేపీ ఫామ్‌లోకి వస్తుందన్న విషయాన్ని గ్రహించిన కేసీఆర్.. ఆ పార్టీని టార్గెట్ చేసుకున్నారు. అయితే.. ఇదంతా పొలిటికల్ గేమ్ అని.. కాంగ్రెస్ పార్టీ ఎదగకుండా కేసీఆర్ కావాలనే బీజేపీతో యుద్ధాన్ని ప్రమోట్ చేస్తున్నారన్న వాదన కూడా ఉంది.