2.07 കിലോമീറ്റർ നീളത്തിൽ പുതിയ പാമ്പൻ പാലം; കപ്പലെത്തുമ്പോൾ കുത്തനെ ഉയരും!
2.07 കിലോമീറ്റർ നീളത്തിൽ പുതിയ പാമ്പൻ പാലം; കപ്പലെത്തുമ്പോൾ കുത്തനെ ഉയരും! പാമ്പൻ ദ്വീപിനെയും രാമേശ്വരത്തെയും വൻകരയുമായി ബന്ധിപ്പിക്കുന്ന പുതിയപാലത്തിൻറെ നിർമാണം നവംബറിൽ പൂർത്തിയാകുമെന്നാണ് പ്രതീക്ഷിക്കുന്നത്. അപകടാവസ്ഥയിലായതിനെത്തുടർന്ന് പഴയ പാലത്തിലൂടെയുള്ള തീവണ്ടിഗതാഗതം നിലവിൽ നിർത്തിവെച്ചിരിക്കുകയാണ്. പുതിയപാലത്തിൻറെ 92 ശതമാനം ജോലിയും പൂർത്തിയായതായി ചിത്രങ്ങൾ സഹിതമാണ് ദക്ഷിണറെയിൽവേ അറിയിച്ചത്. പുതിയ പാമ്പൻ പാലത്തിൻറെ 92 ശതമാനം ജോലികളും പൂർത്തിയാതായി ദക്ഷിണ റെയിൽവേ. കൊടുങ്കാറ്റിൽ പാലത്തിൻറെ പല ഭാഗങ്ങൾക്കും കേടുപാടുകൾ സംഭവിച്ചിരുന്നെങ്കിലും മധ്യഭാഗത്തിന് പ്രശ്നങ്ങളൊന്നുമുണ്ടായിരുന്നില്ല. അത് നിലനിർത്തിക്കൊണ്ടു തന്നെ പാലം പുതുക്കിപ്പണിയുകയാണ് പിന്നീട് ചെയ്തത്.
1988ൽ റെയിൽവേ ട്രാക്കിന് സമാന്തരമായി റോഡുപാലം വരുന്നതുവരെ രാമേശ്വരത്തുള്ളവർക്ക് വൻകരയുമായി ബന്ധപ്പെടാനുള്ള എളുപ്പവഴി ഇതുമാത്രമായിരുന്നു. പഴയ പാലം ഇനി ചരിത്ര സ്മാരകമായി അവശേഷിപ്പിക്കുകയാകും റെയിൽവേ ചെയ്യുക. 108 വർഷം പഴക്കമുള്ള പഴയ പാലത്തിലൂടെയുള്ള തീവണ്ടി ഗതാഗതം ഈ വർഷം ആദ്യമാണ് പൂർണമായി നിർത്തിവെച്ചത്. പാലം അപകടാവസ്ഥയിലാണെന്ന റിപ്പോർട്ടിനെത്തുടർന്നായിരുന്നു അത്. ശ്രീലങ്കയുമായുള്ള വ്യാപാരബന്ധം ശക്തിപ്പെടുത്തുന്നതിനായി ബ്രിട്ടീഷുകാർ നിർമ്മിച്ചതാണ് 6,700 അടി ഉയരമുള്ള പഴയ പാലം. 1914ലായിരുന്നു ഈ പാലം തുറന്നത്.1964ൽ ഉണ്ടായ കൊടുങ്കാറ്റിൽ പാമ്പൻ പാലത്തിന് മുകളിലൂടെ ആഞ്ഞടിച്ച തിരമാലയിൽപെട്ട് പാസഞ്ചർ ട്രെയിൽ കടലിലേക്ക് മറിഞ്ഞിരുന്നു. 115 യാത്രക്കാരാണ് അന്ന് മരിച്ചത്. കൊടുങ്കാറ്റിൽ തകർന്ന റെയിവെ സ്റ്റേഷൻറെയും പാളത്തിൻറെയും അവശിഷ്ടങ്ങൾ ഇന്നും ധനുഷ്കോടിയിലുണ്ട്.
1964ൽ ഉണ്ടായ കൊടുങ്കാറ്റിൽ പാമ്പൻ പാലത്തിന് മുകളിലൂടെ ആഞ്ഞടിച്ച തിരമാലയിൽപെട്ട് പാസഞ്ചർ ട്രെയിൽ കടലിലേക്ക് മറിഞ്ഞിരുന്നു. 115 യാത്രക്കാരാണ് അന്ന് മരിച്ചത്. കൊടുങ്കാറ്റിൽ തകർന്ന റെയിവെ സ്റ്റേഷൻറെയും പാളത്തിൻറെയും അവശിഷ്ടങ്ങൾ ഇന്നും ധനുഷ്കോടിയിലുണ്ട്. കടലിടുക്കിൽ പാലത്തിനുവേണ്ട 333 തൂണുകളും നേരത്തെ തന്നെ സ്ഥാപിച്ചിരുന്നു. മറ്റുപ്രവർത്തനങ്ങളെല്ലാം അവസാനഘട്ടത്തിലാണ്. ഇന്ത്യയിൽ വെർട്ടിക്കൽ ലിഫ്റ്റിങ് സംവിധാനത്തിൽ നിർമിക്കുന്ന ആദ്യ റെയിൽപ്പാലമാണിത് 72.5 മീറ്റർ നീളമുള്ള നാവിഗേഷണൽ സ്പാൻ കപ്പൽവരുമ്പോൾ കുത്തനെ ഉയരും.
കപ്പലുകൾക്ക് കടന്നുപോകുന്നതിനായി പാലത്തിൻറെ ഒരുഭാഗം ലംബമായി ഉയരുന്നതുകൊണ്ടാണ് ഇതിനെ 'വെർട്ടിക്കൽ ലിഫ്റ്റിങ്' പാലം എന്ന് വിളിക്കുന്നത്. നാവിഗേഷണൽ സ്പാൻ 17 മീറ്ററാണ് ഉയരുക. പുതിയ പാലത്തിൽ ഒരു പാതയാണ് സ്ഥാപിക്കുകയെങ്കിലും ഇരട്ടപ്പാതയ്ക്കുള്ള വീതി ഇതിനുണ്ട്. വൈദ്യുതീകരണത്തിനുള്ള സാധ്യതയും മുന്നിൽ കണ്ടുകൊണ്ടാണ് പാലം നിർമിക്കുന്നത്. 12.5 മീറ്റർ ഉയരമുള്ള പുതിയ പാലത്തിന് പഴയ പാലത്തേക്കാൾ മൂന്നുമീറ്റർ ഉയരം കൂടുതലുണ്ടാവും. പഴയ റെയിൽവേപാലത്തിന് സമാന്തരമായാണ് പുതിയ പാലവും നിർമിക്കുന്നത്. 2020 ഫെബ്രുവരിയിലാണ് പാലത്തിൻറെ പണി ആരംഭിച്ചത്.