NEET 2021 ప్రవేశ పరీక్షా ఫలితాల్లో లోపాలు..
NTA NEET 2021 ప్రవేశ పరీక్ష ఫలితం, తుది ఆన్సర్ కీ కి సంబంధించి విద్యార్థులు షాకింగ్ క్లెయిమ్‌లు చేస్తున్నారు. ఇక పూర్తి వివరాల్లోకి వెళితే..నేషనల్ టెస్టింగ్ ఏజెన్సీ (NTA) NEET 2021 ప్రవేశ పరీక్ష ఫలితాలను విడుదల చేసిన కొన్ని రోజుల తర్వాత, నవంబర్ 1న ప్రకటించిన NEET 2021 ప్రవేశ పరీక్షా ఫలితాల్లో లోపాలు ఉన్నాయని, స్కోర్ కార్డ్‌లు ఫైనల్ ఆన్సర్ కీతో సరిపోలడం లేదని పలువురు విద్యార్థులు క్లెయిమ్ చేస్తున్నారు. NTA తన అధికారిక వెబ్‌సైట్ neet.nta.nic.inలో నీట్ 2021 ప్రవేశ పరీక్ష ఫలితాలను విడుదల చేసిందని గమనించాలి. విద్యార్థుల ప్రకారం, NTA విడుదల చేసిన తుది జవాబు కీ సహాయంతో వారు లెక్కించిన వారి మార్కులు మరియు అసలు ఫలితం భిన్నంగా ఉన్నాయి. చాలా మంది విద్యార్థులు తమ ఫిర్యాదులను నమోదు చేసేందుకు #NEETscam మరియు #NEETResult2021 అనే హ్యాష్‌ట్యాగ్‌తో ట్విట్టర్‌లో ట్రెండ్ చేస్తున్నారు. నీట్ ఫలితాలు చాలా ఆలస్యంగా పైగా ఫలితాలు లోపాలతో ఇలా అర్ధం కాకుండా వున్నందుకు విద్యార్థులు చాలా గందరగోళంకి గురవ్వడం జరిగింది. అందుకే ఇలా ఈ సమస్యలపై తమ ఆగ్రహం తెలియజేస్తూ ట్విట్టర్ లో ట్రెండ్ చేస్తున్నారు.
https://twitter.com/gurleen_jaura/status/1456154941119098881?t=5AkEuEMk625giEaixh5QuA&s=19
కొంతమంది విద్యార్థులు మెడికల్ ప్రవేశ పరీక్షలో తమ స్కోర్‌కార్డులలో రెండు ర్యాంకులు పొందినట్లు పేర్కొన్నారు.మరోవైపు కౌన్సెలింగ్ సమయంలో పరిగణించే ఆల్ ఇండియా ర్యాంక్ (ఏఐఆర్) ఈ ఏడాది ఎన్టీఏ విడుదల చేసిన ర్యాంకులకు సమానంగా ఉండదని ఎన్టీఏ తెలిపింది. వయస్సు ప్రమాణాలను ర్యాంకింగ్ నుండి NTA తొలగించింది, అయితే MCC ఇప్పటికీ వయస్సు ప్రమాణాలను పరిశీలిస్తోంది. ఈ సంవత్సరం, భారతదేశంలోని వైద్య కళాశాలల్లో అడ్మిషన్లు పొందడానికి అవసరమైన స్కోర్ 138 నుండి 720 వరకు ఉంది. మెడికల్ కౌన్సెలింగ్ కమిటీ (MCC) త్వరలో mcc.nic.inలో కౌన్సెలింగ్ ప్రక్రియను విడుదల చేస్తుందని భావిస్తున్నారు.