రోజుకి ఎన్ని సార్లు టీ తాగితే మంచిది?
చాలా మంది కూడా ప్రతి రోజూ నీళ్ల కంటే టీ ఎక్కువగా తాగుతారు. అయితే అన్ని సార్లు టీ తాగకూడదు.ఎందుకంటే టీలో కెఫిన్, రిఫైన్డ్ షుగర్ ఉంటాయి. ఇవి రెండూ కూడా ఆరోగ్యానికి అంత మంచివి కావు. అందుకే మీరు రోజుకు 5 నుండి 10 కప్పుల టీ తాగితే, అది ఖచ్చితంగా మీ ఆరోగ్యానికి చాలా రకాలుగా హాని చేస్తుంది. కాబట్టి ఈ విషయంలో ఖచ్చితంగా చాలా జాగ్రత్త మీకు అవసరం.అయితే టీ తాగడం హానికరం కాదు. ఇది మిమ్మల్ని రిఫ్రెష్ చేయడానికి ఇంకా ఒత్తిడిని తగ్గించడానికి సహాయపడుతుంది. కానీ పరిమితికి మించి తాగితే మలబద్ధకం, గుండెల్లో మంట ఇంకా ప్రేగు సంబంధిత సమస్యలు, ఎసిడిటీ అలాగే అధిక రక్తపోటు వంటి చెడు ప్రభావాలను కలిగిస్తుంది. అందుకే రోజులో ఎక్కువ కప్పుల టీ తాగితే మీ శరీరంలో చక్కెర పరిమాణం పెరగడం జరుగుతుంది. అటువంటి పరిస్థితిలో మీ రక్తంలో చక్కెర స్థాయి కూడా ఈజీగా పెరుగుతుంది. దాంతో మీకు మధుమేహం వచ్చే ప్రమాదం ఏర్పడుతుంది.
చక్కెర ఎక్కువగా తీసుకోవడం వల్ల అది కొవ్వుగా మారుతుంది.అలాగే ఇది ఊబకాయానికి కూడా దారితీస్తుంది. అందువల్ల పొత్తికడుపు చుట్టూ కొవ్వు కనిపిస్తుంది. దీంతో బరువు తగ్గడం చాలా విధాలుగా కష్టమవుతుంది.టీలో కెఫీన్ అనేది చాలా పుష్కలంగా ఉంటుంది. ఇది మీకు అప్పటికప్పుడు తాజాదనాన్ని ఇస్తుంది. అందువల్ల మీరు టీకి బానిస అవుతారు. ఫలితంగా టీ తాగకపోతే మీరు విశ్రాంతి లేక తలనొప్పిని ఎదుర్కొంటారు. ఈ టీ మగతను ప్రేరేపిస్తుంది. అందువల్ల ఇది మీ నిద్రను ప్రభావితం చేస్తుంది. అయితే, 1 రోజులో ఎన్ని కప్పుల టీ తాగాలంటే.. ఆరోగ్యం కోసం మీరు రోజుకు 2-3 కప్పుల టీని తాగవచ్చు . అది కూడా పరిమిత డోస్ లో చక్కెరను వేసుకోవటం మీ ఆరోగ్యానికి మంచిది. ఈ అలవాటును అదుపు చేసుకోలేని వ్యక్తులు ఖచ్చితంగా అనారోగ్య సమస్యలను ఎదుర్కొక తప్పదంటున్నారు ఆరోగ్య నిపుణులు.