మూత్రాశయ ఇన్ఫెక్షన్ తగ్గాలంటే ఇలా చెయ్యండి?
మనల్ని బాగా వేధించే మూత్రాశయ సంబంధిత సమస్యల్లో యూరినరీ ట్రాక్ ఇన్పెక్షన్స్( యుటిఐ) కూడా ఒకటి.అయితే ఈ సమస్య ఎక్కువగా మహిళల్లో వస్తుంది.అపరిశుభ్రత, మూత్రపిండాల్లో రాళ్లు, యాంటీ బయాటిక్స్ ను ఎక్కువగా వాడడం ఇంకా మూత్రవిసర్జనకు వెళ్లినప్పుడు సరిగ్గా శుభ్రం చేసుకోకపోవడం వంటి వివిధ కారణాల వల్ల ఈ ఇన్పెక్షన్స్ తలెత్తుతాయి. యుటిఐ బారిన పడినప్పుడు పొత్తి కడుపులో నొప్పి, మూత్రంలో మంట, మూత్రవిసర్జన సమయంలో నొప్పి ఇంకా మూత్ర విసర్జనకు ఎక్కువ సార్లు వెళ్లడం వంటి సమస్యలను మనం ఎదుర్కోవాల్సి వస్తుంది.యూరినరీ ట్రాక్ ఇన్పెక్షన్ ల సమస్య సాధారణమైనదే అయినా కూడా తరుచూ ఈ సమస్య బారిన పడడం వల్ల మూత్రపిండాల ఆరోగ్యం కూడా ఖచ్చితంగా దెబ్బతింటుంది.ఈ సమస్యకు చాలా రకాల మందులు అందుబాటులో ఉన్నాయి. అయితే కొన్ని చిట్కాలను పాటిస్తూ మనం తీసుకునే ఆహార విషయంలో తగిన జాగ్రత్తలు తీసుకోవడం వల్ల మనం ఈ సమస్య బారిన పడకుండా ఉండవచ్చు. ఇక యూటిఐ సమస్యతో బాధపడే వారు నీటిని ఎక్కువగా తాగాలి. ఎందుకంటే నీరు తాగడం వల్ల శరీరంలో ఉండే వ్యర్థాలతో పాటు మూత్రనాళంలో ఉండే బ్యాక్టీరియా కూడా ఈజీగా బయటకు తొలగిపోతుంది.
ఇంకా అలాగే ఈ సమస్యతో బాధపడే వారు కాఫీ,టీ లను తీసుకోవడం తగ్గించాలి. కాఫీ, టీ లు ఈ ఇన్పెక్షన్ ను పెంచుతాయి. అదే విధంగా యూటిఐ తో బాధపడే వారు ఫైబర్ ఇంకా ప్రోబయాటిక్స్ ఎక్కువగా ఉండే ఆహారాలను తీసుకోవాలి.వీటిని తీసుకోవడం వల్ల శరీరంలో ఉండే హానికారక బ్యాక్టీరియా ఈజీగా నశిస్తుంది. ఇంకా అలాగే అరటిపండ్లు, గింజలు, తృణ ధాన్యాలను ఎక్కువగా తీసుకోవాలి.అలాగే చేపలను కూడా ఎక్కువగా తీసుకోవాలి.చేపల్లలో ఉండే ఒమెగా 3 ఫ్యాటీ యాసిడ్లు ఇన్ఫెక్షన్ కు కారణమయ్యే బ్యాక్టీరియాను నశింపజేయడంలో సహాయపడతాయి. చేపలు తీసుకోని వారు ఫిష్ ఆయిల్ సప్లిమెంట్స్ ను తీసుకోవడం చాలా మంచిది.ఇంకా అలాగే క్రాన్బెర్రీస్, బ్లూబెర్రీస్, బచ్చలికూర, బ్రోకొలీ వంటి వాటిని తీసుకోవాలి. ఇవి శరీరంలో రోగనిరోధక శక్తిని పెంచి ఇన్పెక్షన్ ను తగ్గించడంలో సహాయపడతాయి. ఈ విధంగా నీటిని ఎక్కువగా తీసుకుంటూ శరీరంలో రోగనిరోధక శక్తిని పెంచే ఆహారాలను తీసుకోవడం వల్ల మనం చాలా ఈజీగా యుటిఐల బారి నుండి బయటపడడంతో పాటు ఇలాంటి సమస్యలు మన దరి చేరకుండా ఉంటాయని నిపుణులు చెబుతున్నారు.