ప్రయాణం చేసేటప్పుడు వాంతులు అవుతున్నాయా.. ఈ టిప్స్ మీకోసమే..!
వాంతులు నివారించడానికి ఎన్నో రకాల పద్ధతులను మనం అనుసరిస్తూ ఉంటాము.. కొన్ని సందర్భాలలో అవి పెద్దగా పనిచేయవు ఇప్పుడు మనం చెప్పుకుబోయే పద్ధతులను పాటించడం వల్ల మంచి ఫలితాలు ఉంటాయట. ఎల్లప్పుడూ కారు లేదా బస్సు ప్రయాణించేటప్పుడు ముందు భాగంలో కూర్చోవాలి.. విమానాలు ,బస్సులు రైళ్లల్లో విండో సీటును ఎంచుకోవడం చాలా మంచిది.. అయితే అలా సీటు ఎంచుకున్న తర్వాత కళ్ళు మూసుకొని పడుకోవడం నిద్రపోవడం వల్ల చాలా ఉపయోగం ఉంటుంది. అంతేకాకుండా ఎక్కువగా ఆలోచించడం జరగదు.
అలాగే తరచు నీరు పుష్కలంగా త్రాగుతూ వాహనంలో మంచి వెంటిలేటర్ ఉండేలా చూసుకొనే ప్రాంతం వైపు కూర్చోవాలి.. కార్లలో కూర్చున్నప్పుడు ఎక్కువగా ఫోన్ చూడడం లాంటివి చేయకూడదు. అలాగే ప్రయాణానికి ముందు లేదా ఆ తర్వాత ఎక్కువగా భోజనం తినకూడదు మితిమీరిన లేదా కారంగా ఉండే ఆహారాలను తింటే చాలా ప్రమాదమే.. ముఖ్యంగా ఏవైనా పాటలు వింటూ కాస్త కాలక్షేపంగా ముందుకు వెళితే ప్రయాణం సుఖంగా సాగుతుంది.. అయితే ఏదైనా తినాలనిపించినప్పుడు కేవలం అల్లము లేదా మిఠాయి వంటివి తినడం మంచిది. ఇలా చేయడం వల్ల వాంతులు రాకుండా అవుతాయి.