తెల్ల జుట్టుకు సింపుల్ గా చెక్ పెట్టే అద్భుతమైన చిట్కాలివే.. ఈ విషయాలు తెలుసుకోండి!
ప్రస్తుత కాలంలో వయసుతో సంబంధం లేకుండా చాలామందిని వేధిస్తున్న ప్రధాన సమస్య తెల్ల జుట్టు. కాలుష్యం, పోషకాహార లోపం, ఒత్తిడి మరియు రసాయనాలతో కూడిన షాంపూల వాడకం వల్ల చిన్న వయసులోనే జుట్టు మెరిసిపోతోంది. అయితే మార్కెట్లో దొరికే కృత్రిమ రంగులు వాడటం వల్ల జుట్టు మరింత దెబ్బతినే అవకాశం ఉంది. అందుకే ఇంట్లోనే లభించే సహజసిద్ధమైన వస్తువులతో తెల్ల జుట్టుకు సులువుగా చెక్ పెట్టవచ్చు.
ముఖ్యంగా కరివేపాకు జుట్టు ఆరోగ్యానికి అద్భుతంగా పనిచేస్తుంది. కొబ్బరి నూనెలో కొన్ని కరివేపాకులను వేసి అవి నల్లగా అయ్యే వరకు మరిగించి, ఆ నూనెను వడకట్టి క్రమం తప్పకుండా తలకు పట్టిస్తే జుట్టుకు మంచి రంగు వస్తుంది. అలాగే మెంతులు కూడా జుట్టును నల్లగా మార్చడంలో కీలక పాత్ర పోషిస్తాయి. మెంతులను రాత్రంతా నానబెట్టి మెత్తని పేస్ట్లా చేసి తలకు పట్టించి, గంట తర్వాత కడిగేస్తే జుట్టు మృదువుగా మారడమే కాకుండా తెల్లబడటం తగ్గుతుంది.
ఉసిరిలో ఉండే విటమిన్-సి జుట్టుకు టానిక్ లా పనిచేస్తుంది. ఉసిరి పొడిని పెరుగులో లేదా నీటిలో కలిపి ప్యాక్ లా వేసుకోవడం వల్ల జుట్టు కుదుళ్లు దృఢపడతాయి. ఇక టీ డికాషన్ మరొక అద్భుతమైన చిట్కా. నీటిలో టీ పొడిని వేసి బాగా మరిగించి, ఆ నీటిని చల్లార్చిన తర్వాత జుట్టుకు పట్టించి కడిగేస్తే జుట్టు సహజమైన నలుపు రంగును సంతరించుకుంటుంది. వీటితో పాటు సరైన నిద్ర, తగినంత నీరు తాగడం మరియు బాదం, వాల్నట్స్ వంటి పోషక ఆహారం తీసుకోవడం వల్ల తెల్ల జుట్టు సమస్యను శాశ్వతంగా దూరం చేసుకోవచ్చు.
9490520108.. ఈ వాట్సాప్ నెంబర్కు మీ నియోజకవర్గాల్లో రాజకీయ, సామాజిక సమస్యలు వివరాలు పంపండి..
ఆంధ్రప్రదేశ్, తెలంగాణలో వివిధ నియోజకవర్గాల్లో నెలకొన్న ప్రజల సమస్యలు, రాజకీయ పరమైన అంశాలను మా దృష్టికి తీసుకు రావాలనుకుంటున్నారా ? మీ సమస్య లేదా మీరు చెప్పే విషయం ఏదైనా క్లుప్తంగా 9490520108 నెంబరుకు వాట్సాప్ ద్వారా తెలియజేయండి. రెండు రాష్ట్రాల్లో నియోజకవర్గాల వారీగా సమస్యలు, ఎమ్మెల్యేల పనితీరు, వారు ఇచ్చిన హామీలు, ప్రజల ఇబ్బందులు, అక్కడ అధికార, ప్రతిపక్ష పార్టీల పరిస్థితులు, రాజకీయ అంశాలపై కూడా మీ అభిప్రాయం మాతో పంచుకోండి.
నోట్ : వ్యక్తిగత సమస్యలు వద్దు.