బుడుగు: పిల్లలలో జలుబు, పుండ్లు నివారణకు ఈ చిట్కాలు పాటించండి..!?
ఇక చల్లటి వాతావరణంలో చిన్నపిల్లలను ఆరు బయటకు తీసుకు వెళ్లడం మానుకోండి. వెచ్చని బట్టలు, టోపీలు, స్వెట్టర్లు, మిట్టెన్లు పిల్లలకు చలినుండి రక్షణను అందిస్తాయి. ఇన్ఫ్లూయెంజా వ్యాక్సిన్ అన్నది ఎంతో అవసరం. ఎందుకంటే ఇది పిల్లలలో ప్రతిరోధకాలు ఏర్పడటానికి సహాయపడుతుంది. ఫ్లూ సంభవించకుండా అరికడుతుంది.
డాక్టర్ సూచించిన ఔషధాలతోపాటు జలుబు, ఫ్లూ లక్షణాలు తగ్గించడానికి వ్యాధి నుంచి త్వరగా బయట పడటానికి కొన్ని గృహ నివారణలు ఇక్కడ ఉన్నాయి. గోరువెచ్చని నీటితో గార్గిలింగ్ చేయడం వలన మంచి ఉపశమనం లభిస్తుంది. దీని వలన గొంతు నొప్పి కూడా ఎంత ఉపశమనం దొరుకుతుంది. దగ్గుకి మంచి ఉపశమనాన్ని కలిగించే అల్లంతో టీ తయారు చేసి ఇవ్వడం కూడా దగ్గుకు మరొక నివారణ.
4 ఏలకలు, 4 లవంగాలు, చిన్న అల్లం ముక్క చిన్న దాల్చిన చెక్కను ఒక గ్లాసు నీటిలో సుమారు పది నిమిషాల పాటు ఉడికించి అందులో కొంచెం తేనెను కలిపి నిలువ చేసుకోవచ్చు. ఈ మిశ్రమాన్ని రోజుకు రెండు స్పూన్లు పిల్లలకు ఇచ్చినట్లయితే ఎంతో ఉపశమనం లభిస్తుంది. తులసి ఆకులను వేసి టీ తయారు చేసుకోవచ్చు. ఇది నిజంగా ముక్కుదిబ్బడను తొలగించడానికి సహాయపడుతుంది. గొంతు నొప్పికి తేనె ఒక అద్భుతమైన ఔషధం. మీరు ఒక చెంచా తేనెలో కొంచెం అల్లంరసం వేసి ఇచ్చినట్లయితే నెమ్ము తో పాటు గొంతునొప్పిని కూడా నయం చేయడానికి పిల్లలకు సహాయపడుతుంది.
జోష్ అండా చావన్ ప్రాష్ వంటి మౌలిక సమ్మేళనాలు పిల్లల రోగనిరోధక శక్తిని పెంపొందించడానికి మరియు గొంతు నొప్పి జలుబును తగ్గించడానికి సమర్థవంతంగా పని చేస్తాయి. నవజాత శిశువులలో సంభవించే జలుబును తగ్గించడానికి వెల్లుల్లి రెబ్బలు, లవంగాలను ఒక బట్టలో కట్టి మెడ దగ్గర ఉంచినట్లయితే వెల్లుల్లి యొక్క వాసన శిశువు పీల్చుకున్నప్పుడు నాసికా మార్గాన్ని సులభతరం చేయడానికి సహాయపడుతుంది.