ఆ కళాఖండం అంత ఖరీదా


ప్రపంచవ్యాప్తంగా ఎన్నో కళాఖండాలు కోట్లు విలువ చేసేవి ఉంటాయి. అలాంటి కళాఖండాలలో మన భారతదేశానికి చెందిన కళాకారులవి సైతం అనేకం  ఉన్నాయి. భారత దేశానికి  స్వాతంత్రం రాకపూర్వకమే  చిత్రలేఖనంలో ప్రపంచ ప్రసిద్ది గాంచిన ప్రముఖ  కళాకారిణి అమృతా షర్గిల్ 1938 లో  గీసిన "ఇన్ ది లేడీస్ ఎన్ క్లోజర్"  చిత్రం 38 కోట్ల రూపాయలకు  అమ్ముడుపోయింది. ఇప్పటివరకు ప్రపంచవ్యాప్తంగా అత్యధిక ధరకు అమ్ముడైన రెండో కళాఖండంగా సరికొత్త రికార్డు సృష్టించింది అని వేలం వేసిన  ఆర్ట్  గ్యాలరీ  నిర్వహకులు ప్రకటించారు 


పంజాబీ రాజకుటుంబానికి చెందిన ఉమ్రావ్ సింగ్ షర్గిల్ , హంగేరీ దేశానికి చెందిన గాయని మరియా దంపతులకు అమృతా  షర్గిల్ 1913 లో యూరోప్ లోని హంగేరీ దేశంలో జన్మించారు. ఫ్రాన్స్ రాజధాని పారిస్ లోని ఎకోల్ డెస్ బ్యూక్స్ లో చిత్రలేఖనం లో శిక్షణ పొందారు. భారతదేశానికి తిరిగి వచ్చిన తర్వాత తన చుట్టూ ఉండే పరిసరాలను, జాతీయ స్వాతంత్రం కోసం పోరాడే వ్యక్తులు , స్త్రీలను మరియు  పలు సన్నితమైన అంశాలను కథా వస్తువుగా కళాఖండాలు గీశారు. ప్రపంచవ్యాప్తంగా జరిగే ప్రతి చిత్రలేఖనం యొక్క పోటీలకు , మీటింగ్స్ కు తప్పని సరిగా వెళ్ళేవారు. షర్గిల్  ప్రతిభావంతమైన పియానో వాయిద్యకారిణి కూడా , ప్రస్తుత పాకిస్థాన్ లో ఉన్న లా హ్ోర్ పట్టణంలో  అనారోగ్యంతో 1941 లో 28 ఏళ్ల వయస్సులో మరణించారు.

పైన ఫోటోలో ఉన్న ఆ  కళాఖండంకు గీయడానికి  స్పూర్తి  ఉత్తరప్రదేశ్ రాష్ట్రం లో ఉన్న  గోరఖ్ పూర్  లోని ఒక కళాకారుల కుటుంబానికి చెందిన ఇంట్లో పనులు చేసుకుంటున్న మహిళలు.  

అమృతా షర్గిల్ గీసిన   ఇలా ఎన్నో అద్భుతమైన కళాఖండాలు ఇప్పటికీ దేశ రాజధాని ఢిల్లీలో ఉన్న ప్రముఖ ఆర్ట్ గ్యాలరీ నేషనల్ మోడర్న్ ఆర్ట్ గ్యాలరీ లో ఉన్నాయి. 







మరింత సమాచారం తెలుసుకోండి:

సంబంధిత వార్తలు: