మీకు గుండె జబ్బు ఉందో లేదో ఇలా ఈజీగా తెలుసుకోండి?
ఈ రోజుల్లో చాలా మంది కూడా గుండె జబ్బుల బారిన పడుతున్నారు. అందులో రక్తపోటు, అధిక కొలెస్ట్రాల్, మధుమేహం, మంచి లైఫ్ స్టైల్ లేకపోవడం వంటివి అయితే ఈ గుండె వ్యాధులకు కారణమవుతున్నాయి. క్రమంతప్పకుండా వ్యాయామాలు చేయడం, మధుమేహ నియత్రణ వంటి వాటి ద్వారా ఈ సమస్యల బారిన పడకుండా కాపాడుకోవచ్చు.గుండె ఆరోగ్యంగా ఉందో లేదో గుర్తించేందుకు అతి సులభమైన పద్ధతిలలో మెట్లు ఎక్కడం కూడా ఒకటి. మీరు కార్డియాక్ వ్యాధుల బారిన పడకుండా అవగాహన దీని ద్వారా కలుగుతుంది. రెండు నిమిషాలలో మీ గుండె పనితీరును ఖర్చు లేకుండా ఈ మెట్ల పరీక్ష ద్వారా తెలుసుకోవచ్చు.చాలా మంది తమ వ్యాయామాల్లో ఇంటి మెట్లు ఎక్కటాన్ని కూడా ఒక భాగం చేసుకుంటారు. మెట్లు ఎక్కటం కూడా వ్యాయామాల్లో ఒక భాగమని నిపుణులు చెబుతున్నారు.
క్రమం తప్పకుండా మెట్లు ఎక్కటం , దిగటం వంటివి చేసే వారిలో గుండె, ఊపిరితిత్తుల సామర్ధ్యం , కండరాలు గణనీయంగా పుంజుకున్నట్లు అధ్యయనాల్లో తేలింది. అంతేకాకుండా దెబ్బతిన్న కండరాలు పునరుత్తేజం కావటానికి తోడ్పడుతుంది.కేవలం ఒక నిమిషంలో 40 మెట్లు ఎక్కగలిగితే మీ గుండె ఆరోగ్యంగా ఉన్నట్లు. అలా కాకుండా నాలుగు మెట్లు ఎక్కేందుకు ఒకటిన్నర నిమిషాల కంటే ఎక్కువ సమయం తీసుకుంటే, మీ ఆరోగ్యం క్షీణిస్తుందని గుర్తించి వైద్యుడిని సంప్రదించడం చాలా మంచిది. సమయం దొరక్క, వ్యాయామశాలలు అందుబాటులో లేకపోవటం,వ్యాయామాలకు తగిన స్ధలం లేని వారు ఇంటి మెట్లు ఎక్కటం, దిగటం వంటివి చేయాలి. అయితే గుండె సంబంధిత సమస్యలు ఉన్నవారు, గుండె ఆపరేషన్లు చేయించుకుని ఉన్నవారు డాక్టర్ల సూచనలు సలహాలతోనే ఇలాంటి వ్యాయామాలు చేయటం చాలా మంచిది.లేదంటే ప్రాణాలకే ముప్పు.ఇలాంటి గుండె జబ్బులు రాకుండా సరైన లైఫ్ స్టైల్ ని పాటించండి. తీసుకునే ఆహారం నుంచి చేసే వ్యాయామాలు వరకు మితంగా జాగ్రత్తగా చెయ్యండి.