కూల్ డ్రింక్స్ తాగితే ఈ నష్టాలు తప్పవు?
సాధారణంగా కూల్ డ్రింక్స్ ను బాటిల్స్ మీద బాటిల్స్ తెగ తాగుతూ ఉంటారు.ఇక వేసవి కాలం వచ్చిందంటే చాలు వీటిని మరీ ఎక్కువగా తాగుతూ ఉంటారు. అలాగే కొందరి ఇండ్లల్లో ఫ్రిజ్ లో ఎప్పుడూ కూల్ డ్రింక్స్ ను నిల్వ చేసుకుంటూ ఉంటారు. అయితే ఈ కూల్ డ్రింక్స్ మన దాహాన్ని తీర్చిన అప్పటికప్పుడు ఉత్తేజాన్ని ఇచ్చిన తరువాత మాత్రం వీటి ప్రభావం మన ఆరోగ్యంపై పడుతుంది.ఇవి ఎక్కువగా తాగితే టైప్ 2 డయాబెటిస్ బారిన పడే అవకాశం కూడా ఉంది. ఇవే కాకుండా ఇతర అనారోగ్య సమస్యలు కూడా తలెత్తుతాయి. అంతేకాకుండా వీటిని తాగడం వల్ల క్యాన్సర్ బారిన పడే అవకాశం ఉంది. అలాగే మనం ఆక్సిజన్ ను పీల్చుకుని కార్బన్ డై యాక్సైడ్ ను వదులుతూ ఉంటాం. ఈ కార్బన్ డై యాక్సైడ్ అనే విష వాయువును కూల్ డ్రింక్స్ ఎక్కువ కాలం నిల్వ ఉండడానికి వాడుతూ ఉంటారు. వీటిలో విష రసాయనాలు అనేకం కలిసి ఉంటాయి. కాబట్టి వీటికి ఎంత దూరంగా ఉంటే అంతగా మనం మన ఆరోగ్యాన్ని కాపాడుకున్న వాళ్లం అవుతామని నిపుణులు చెబుతున్నారు.
కూల్ డ్రింక్స్ లో ఫాస్పరిక్ యాసిడ్ అనేది ఎక్కువగా ఉంటుంది. దీని వల్ల ఎముకల్లో క్యాల్షియం తగ్గిపోతుందని నిపుణులు చెబుతున్నారు. ఎముకల్లో క్యాల్షియం తగ్గితే ఏదైనా ప్రమాదం జరిగినప్పుడు ఎముకలు విరిగిపోతాయి. అనగా ఎముకలు వాటి ధృడత్వాన్ని కోల్పోతాయి. ఒకవేళ ఇలా జరగకపోయిన కొన్ని రోజులకు శరీరం ఏ పనులకు సహకరించదు. అంతేకాకుండా కూల్ డ్రింక్స్ లో షుగర్ ఎక్కువగా ఉంటుంది. వీటిని ఎక్కువగా తాగడం వల్ల శరీరంలో కొవ్వు పేరుకుపోతుంది. అదేవిధంగా ఎక్కువగా కూల్ డ్రింక్స్ తాగడం వల్ల గుండెకు సంబంధించిన వ్యాధులు, ఊబకాయం వచ్చే అవకాశాలు ఎక్కువగా ఉంటాయి.కాబట్టి ఈ నిజాలు తెలుసుకొని కూల్ డ్రింక్స్ కి దూరంగా ఉండండి. ఎల్లప్పుడూ ఆరోగ్యంగా ఉండండి.