ఈ టేస్టీ బ్రేక్ ఫాస్ట్ ఆరోగ్యానికి చాలా మంచిది?
మనం ఉదయం పూట అల్పాహారంగా తీసుకునే వాటిలో ఖచ్చితంగా పొంగల్ కూడా ఒకటి. పొంగల్ తినడానికి చాలా రుచిగా ఉంటుంది.అందుకే చాలా మంది దీనిని ఇష్టంగా తింటారని చెప్పవచ్చు.ఇక మనం సులభంగా తయారు చేసుకోగలిగిన పొంగల్ వెరైటీలలో వెజిటేబుల్ పొంగల్ కూడా ఒకటి. ఈ పొంగల్ ను తినడం వల్ల మనం రుచితో పాటు సంపూర్ణ ఆరోగ్యాన్ని కూడా పొందవచ్చు. పిల్లల నుండి పెద్దల దాకా ఈ వెజిటేబుల్ పొంగల్ ను ఆహారంగా తీసుకోవచ్చు. బరువు తగ్గాలనుకునే వారికి ఖచ్చితంగా ఈ పొంగల్ చక్కటి ఆహారమని చెప్పవచ్చు.ఇక దీనిని కొద్దిగా తినగానే కడుపు నిండిన భావన కలుగుతుంది. అందువల్ల మన దృష్టి ఇతర చిరుతిళ్ల పైకి వెళ్లకుండా ఉంటుంది. రుచితో పాటు సంపూర్ణ ఆరోగ్యాన్ని అందించే ఈ వెజిటేబుల్ పొంగల్ ను ఎలా తయారు చేసుకోవాలి.వంటి వివరాలను ఇప్పుడు మనం తెలుసుకుందాం.
ముందుగా మీరు గిన్నెలో పప్పులను,బియ్యాన్ని తీసుకుని శుభ్రంగా కడిగి తగినన్ని నీళ్లు పోసి పక్కకు ఉంచాలి. ఆ తరువాత కుక్కర్ లో నెయ్యి వేసి వేడి చేయాలి. తరువాత అల్లం తరుగు, కరివేపాకు ఇంకా ఉల్లిపాయ ముక్కలు వేసి వేయించాలి. ఇవి వేగిన తరువాత కూరగాయల ముక్కలు కూడా వేసి వేయించాలి. వీటిపై మూత పెట్టి టమాట ముక్కలు మెత్తగా అయ్యే దాకా వేయించిన తరువాత ఉప్పు, మిరియాల పొడి వేసి కలపాలి. అవసరమైతే కొద్దిగా పసుపును కూడా మీరు వేసుకోవచ్చు. ఆ తరువాత నానబెట్టిన బియ్యం, పప్పులు వేసి కలపాలి. వీటిని రెండు నిమిషాల పాటు వేయించిన తరువాత ఒక 4 కప్పుల నీళ్లు పోసి కలపాలి.తరువాత మరో టీ స్పూన్ నెయ్యి, కొత్తిమీర వేసి కలపాలి. తరువాత మూత పెట్టి 3 నుండి 4 విజిల్స్ వచ్చే దాకా ఉడికించి స్టవ్ ఆఫ్ చేసుకోవాలి. ఆవిరి పోయిన తరువాత అంతా కలిసేలా మరోసారి బాగా కలుపుకుని సర్వ్ చేసుకోవాలి. ఇక ఇలా చేయడం వల్ల ఎంతో రుచిగా ఉండే వెజిటేబుల్ పొంగల్ తయారవుతుంది. ఇక వేడి వేడిగా చట్నీ, సాంబార్ తో తింటే చాలా రుచిగా ఉంటుంది. ఈ పొంగల్ ను అందరూ చాలా ఇష్టంగా తింటారు. దీనిని తినడం వల్ల మనం రుచితో పాటు సంపూర్ణ ఆరోగ్యాన్ని కూడా పొందవచ్చు. ఇంకా అలాగే ఈ పొంగల్ లో ఇతర కూరగాయలను కూడా వేసుకోవచ్చు.