2025 ముగిసే ముందు ఈ ఏడాది ..మీ జీవితంలో మీరు ఏం సాధించారు ...అని ఒక్కసారి సెల్ఫ్ చెక్ చేసుకోండి...?
2025 సంవత్సరం ముగింపుకు చేరువలో ఉన్నాం. కొత్త ఏడాదిలోకి అడుగుపెట్టే ముందు మనం ఎన్నో లక్ష్యాలను (Resolutions) సెట్ చేసుకుంటాం. అయితే, గడిచిన ఏడాదిలో మనం సాధించిన ప్రగతి కంటే, స్మార్ట్ఫోన్ తెరపై గడిపిన సమయమే ఎక్కువగా ఉందా? అని ఆలోచించుకోవాల్సిన సమయం ఆసన్నమైంది.ద్వారా మీ సమయాన్ని మీరు నియంత్రిస్తున్నారా లేదా మీ ఫోన్ మిమ్మల్ని నియంత్రిస్తోందో తెలుసుకోండి.ప్రస్తుత డిజిటల్ యుగంలో స్మార్ట్ఫోన్ మన జీవితంలో ఒక భాగం కాదు, జీవితమే అయిపోయింది. ఈ క్రింది ప్రశ్నల ద్వారా మీ డిజిటల్ అలవాట్లను ఒకసారి సమీక్షించుకోండి. కళ్లు తెరవగానే దేవుడి పటమో లేదా కిటికీలోంచి ప్రకృతిని చూడటమో కాకుండా, నోటిఫికేషన్లు చెక్ చేస్తున్నారా? రోజుకు 6-7 గంటల నిద్ర కంటే 7-8 గంటల పాటు సోషల్ మీడియా రీల్స్ స్క్రోల్ చేస్తూ గడుపుతున్నారా?కుటుంబ సభ్యులతో కలిసి భోజనం చేస్తున్నప్పుడు కూడా చేతిలో ఫోన్ ఉందా? ఎటువంటి పని లేకపోయినా, ప్రతి 5 నిమిషాలకు ఒకసారి ఫోన్ లాక్ తీసి యాప్స్ ఓపెన్ చేస్తున్నారా?ఏదైనా పనిపై 15 నిమిషాల కంటే ఎక్కువ సేపు ఫోన్ చూడకుండా ఏకాగ్రత పెట్టలేకపోతున్నారా?
ఈ 2025 ముగింపులో మీ ఫోన్లోని 'డిజిటల్ వెల్బీయింగ్' (Digital Wellbeing) లేదా 'స్క్రీన్ టైమ్' సెట్టింగ్స్లోకి వెళ్లి కింది విషయాలు గమనించండి: ఏడాది పొడవునా సగటున రోజుకు ఎన్ని గంటలు ఫోన్ వాడారు?మీరు ఎక్కువగా సమయం వృధా చేసిన యాప్స్ ఏవి? (ఉదా: ఇన్స్టాగ్రామ్, యూట్యూబ్, గేమింగ్) రోజుకు ఎన్ని సార్లు ఫోన్ చేతిలోకి తీసుకున్నారు?
మీ సమయాన్ని మళ్ళీ మీ చేతుల్లోకి తెచ్చుకోవడానికి ఇవి పాటించండి:
నోటిఫికేషన్లు ఆఫ్ చేయండి: అత్యవసరమైనవి తప్ప మిగిలిన యాప్ నోటిఫికేషన్లు ఆఫ్ చేయడం ద్వారా ఫోన్ వైపు పదే పదే చూడటం తగ్గుతుంది.
బెడ్రూమ్ నుండి ఫోన్ దూరం: నిద్రపోయే ముందు మరియు నిద్రలేచిన గంట వరకు ఫోన్ను తాకకూడదని నియమం పెట్టుకోండి.
రియల్ లైఫ్ కనెక్షన్స్: సోషల్ మీడియా లైక్స్ కంటే, పక్కన ఉన్న మనుషులతో నేరుగా మాట్లాడటానికి ప్రాధాన్యత ఇవ్వండి.కాలం తిరిగి రాదు, కానీ పోగొట్టుకున్న సమయాన్ని స్మార్ట్ఫోన్ తిరిగి ఇవ్వలేదు. 2026లో మీ లక్ష్యాలను చేరుకోవాలంటే ముందుగా ఆ 6 అంగుళాల తెర నుండి బయటకు రావాలి. 2025 సెల్ఫ్ ఆడిట్ చేసుకోండి.. మీ సమయానికి మీరే యజమాని అవ్వండి!