
హెరాల్డ్ ఎమ్మెల్యే ప్రోగ్రెస్: ఆ ఎమ్మెల్యేకు జగన్ ఇమేజ్ ఒక్కటే దిక్కా?
కాకపోతే శ్రీకాకుళం వైసీపీలో అందరూ రాష్ట్ర స్థాయి నాయకులే ఉన్నారు. కానీ శాంతికి మాత్రం ఆ ఇమేజ్ రాలేదు. ఇంకా జగన్ అందిస్తున్న పథకాలు, ఆయన ఇమేజ్ ఎమ్మెల్యేని నడిపిస్తున్నట్లు తెలుస్తోంది. అటు ఇక్కడ అభివృద్ధి కార్యక్రమాలు కూడా అంతంత మాత్రమే జరుగుతున్నాయి. ఇక ఇక్కడ టీడీపీ తరుపున వెంకట రమణమూర్తి ఉన్నారు. ఈయన 2014 ఎన్నికల్లో వైసీపీ తరుపున గెలిచి, ఆ తర్వాత టీడీపీలోకి వచ్చారు. 2019 ఎన్నికల్లో టీడీపీ తరుపున పోటీ చేసి ఓటమి పాలయ్యారు. ఓటమి వచ్చినా కార్యకర్తలకు అండగా ఉంటూ...ప్రభుత్వ వ్యతిరేక విధానాలపై పోరాడుతూనే ఉన్నారు.
పాతపట్నంలో పాతపట్నం, లక్ష్మీనర్సంపేట, వెళియాపుట్టి, కొత్తూరు, హీరా మండలాలు ఉన్నాయి. ఎక్కువగా గిరిజన గ్రామాలున్న ఈ నియోజకవర్గంలో సమస్యలకు కొదవలేదు. నాగావళి, వంశధారా నదులు ఇక్కడే ప్రవహిస్తున్నా, ఈ ప్రాంతపు రైతులకు ఒక చుక్క సాగునీరు కూడా రాదు. పాతపట్నంలో భూగర్భ డ్రైనేజీతోబాటు, గ్రామీణ ప్రాంతాలలో రహదారులు, వైద్య సదుపాయాలూ, విద్య, వీధి దీపాలు వంటి మౌలిక వసతులు కల్పించాల్సిన అవసరముంది. గిరిజన గ్రామాలలో తాగునీరు ప్రధాన సమస్య. వర్షాకాలంలో కొండలపైన కురిసే నీటికోసం, వేసవిలో నీళ్లు నిలువనున్న చెలమలకోసం కిలోమీటర్ల దూరం మహిళలు, పిల్లలు కాలినడకనే వెళ్ళవలసి వస్తుంది.