పుట్టినరోజు సంబరం.. సూపర్ స్టార్ కు అరుదైన గౌరవం..
నవంబర్ 2న బాలీవుడ్ బాద్ షా షారుఖ్ ఖాన్ పుట్టినరోజు జరుపుకున్నాడు. ఈసారి తన పుట్టినరోజుకు మరపురాని బహుమతిని దక్కించుకున్నాడు. దుబాయ్ లోని ప్రతిష్టాత్మకమైన బూర్జ్ ఖలీఫా టవర్ పై షారుఖ్ చిత్రపటంతో బర్త్ డే విశెష్ డిస్ ప్లే చేశారు. లేజర్ లైటింగ్ తో ‘హ్యాపీ బర్త్ డే షారుఖ్..’ అంటూ రంగు రంగుల లేజర్ లైటింగ్ ను ప్రదర్శించారు. ప్రపంచంలోని అరుదైన గుర్తంపు ఉన్న వ్యక్తులకు, సంఘటనలకు మాత్రమే బూర్జ్ ఖలీఫాపై ఇలా లేజర్ లైట్ ను డిస్ ప్లే చేస్తారు. అబ్బురపరిచే పుట్టినరోజు శుభాకాంక్షలు అందడంతో షారుఖ్ మురిసిపోయాడు.
‘ప్రపంచంలోనే ఎత్తైన, పెద్దదైన స్క్రీన్ పై నాకు పుట్టినరోజు శుభాకాంక్షలు దక్కడం ఎంతో ఆనందంగా ఉంది. కొత్త సినిమా విడుదలకు మందే మంచి గిఫ్ట్ దక్కింది. ఇందుకు కారణమైన వారికి కృతజ్ఞతలు. నా పిల్లలు ఎంతో ఎంజాయ్ చేస్తున్నారు’ అని తన ఆనందాన్ని వ్యక్తం చేశాడు. షారుఖ్ వరుస ఫ్లాపుల్లో ఉన్నా ఆయన క్రేజ్ మాత్రం ఇప్పటికీ టాప్ లోనే ఉండటం విశేషం. త్వరలో రాజ్ కుమార్ హిరానీ దర్శకత్వంలో ఓ సినిమా చేయనున్నాడు ఈ బాద్ షా.