అయ్యగారో! : పోనీలేండి హిట్టు కొట్టాడు
మొదటి సినిమా నుంచి ఇప్పటిదాకా విజయం కోసం ముఖం వాచి పోయి ఉన్నాడు అఖిల్. సినిమాలు ఎలా ఉన్నా ఆయన పరంగా చేయాల్సిన ప్రయత్నాలేవో చేస్తూనే ఉన్నాడు. అయినా కూడా లక్ కలిసి రాలేదు. మధ్యలో కొన్ని ఫ్యామిలీ డిస్ట్రబెన్సెస్ కూడా ఉన్నాయి. వాటి తీరు ఎలా ఉన్నా మంచి సినిమా చేసేందుకు ఎప్పుడూ ఇంపార్టెన్స్ ఇస్తూనే ఉన్నాడు కానీ ఆయననే దర్శకులు సరిగా పట్టించుకోలేదు. ముఖ్యంగా వెంకీ అట్లూరి లాంటి దర్శకులు మిస్టర్ మజ్నూ లాంటి సినిమాలు తీసి ఆయన పరువు పోగొట్టారు. వినాయక్ డెబ్యూ మూవీతో చావ గొట్టాడు. ఇక చాలా మంది అఖిల్ కు బ్రేక్ ఎలా వస్తుంది అని ఆరాతీశారు.
ఇలాంటి సందర్భంలో బొమ్మరిల్లు భాస్కర్ కొంచెం హెవీ వెయిట్ సబ్జెక్ట్ నే ఎంచుకుని వచ్చాడు. గతంలో ఇదే పాయింట్ తో కథ రాసుకుని సినిమా తీసి ఫ్లాప్ అయ్యాడు. అదే ఆరెంజ్. ఆ పాయింట్ ను మరికొద్దిగా మార్చి హీరోయిన్ ఓరియెంటేషన్ కు ఇంపార్టెన్స్ ఇస్తూ ఈ సినిమా తీశాడు. మ్యూజిక్ బాగుండి ఉంటే ఇంకా సినిమా బాగుండేది. బొమ్మరిల్లు సినిమాలో కనిపించిన కొన్ని సన్నివేశాల తీవ్రత ఇక్కడా ఉంది. అలానే ఆరెంజ్ మూవీలో చెప్పాలనుకున్న పాయింట్ నే మార్చి చెప్పినా పూజా బేబీ తన గ్లామర్ తో కాస్త కాదు చాలా ఆకట్టుకునేందుకే ట్రై చేసింది. సో.. నాగార్జున కొడుకు చోటా కింగ్ హిట్టు కొట్టాడు. ఈ అరుపు హైద్రాబాద్ ఐ మాక్స్ బయట వినపడినా, మా శ్రీకాకుళంలో వినపడినా ఆనందమే! కానీ ఇకపై చేసే సినిమాల్లో అయినా యాక్టింగ్ స్కిల్స్ , నడిచేవిధానం ఇంకా ఇంకొన్ని డెవలప్ చేసుకుంటే బెటర్.