హీట్ మూవీ రివ్యూ!
ఎం.ఎన్.అర్జున్, శరత్ వర్మ డైరెక్షన్ లో తెరకెక్కిన ఈ సినిమాలో వర్ధన్ గుర్రాల, స్నేహా ఖుషి ప్రధాన పాత్రల్లో నటించారు. బాల్యం నుంచి ఒకరంటే మరొకరు స్నేహంగా మెలిగిన అభిజిత్ (వర్ధన్), సిరిల్ (మోహన్ సాయి) ఒక కంపెనీని స్టార్ట్ చేసి ఆ కంపెనీని విజయవంతంగా నడిపిస్తుంటారు. అయితే ఆ కంపెనీకి స్టీఫెన్ అనే వ్యక్తి సమస్యలను సృష్టిస్తూ ఇబ్బందులకు గురి చేస్తూ ఉంటాడు. అదే సమయంలో సిరిల్ కు ఆరాధ్య(అంబికా వాణి)తో పెళ్లి కుదురుతుంది.
అయితే సిరిల్, అరాధ్య ఇంటర్ క్యాస్ట్ మ్యారేజ్ చేసుకోవడం ఆరాధ్య సోదరుడైన రుద్రకు నచ్చదు. ఆ తర్వాత సిరిల్ మరణిస్తాడు. ఈ విషయం తెలిసిన అభిజిత్ ఏం చేశాడు? సిరిల్ ను చంపిన వ్యక్తి ఎవరు? సిరిల్ మరణం వల్ల ఎదురైన సమస్యలకు అభిజిత్ ఎలా చెక్ చెప్పాడు? ఈ స్టోరీలో మైఖేల్ రోల్ ఏంటి? అనే ప్రశ్నలకు సమాధానమే ఈ సినిమా.
ఒక రాత్రిలో జరిగే ఈ మూవీ కథలో ఆద్యంతం ఆకట్టుకునే ట్విస్టులు ఉన్నాయి. కథ, కథనంలో చిన్నచిన్న లోపాలు ఉన్నా గ్రిప్పింగ్ గా దర్శకుడు ఈ సినిమాను తెరపై చూపించాడు. హర్రర్ థ్రిల్లర్ గా తెరకెక్కిన ఈ మూవీ ఆ జానర్ ప్రేక్షకులకు నచ్చేలా ఉంది. స్నేహా ఖుషి రోల్ చిన్నదైనా ఆకట్టుకుంది. ఈ వారం థియేటర్లలో ఆకట్టుకునే మూవీ చూడాలని భావించే వాళ్లు హీట్ సినిమాను బెస్ట్ ఛాయిస్ గా పరిగణించవచ్చు.
రేటింగ్ 2.75/5.0