శృతితో చరణ్ గట్టి ప్లానే వేశాడు..!
బ్రూస్ లీ సినిమా అనుకోని విధంగా ఫ్లాప్ అవ్వడంతో ఇక నుండి తీయబోయే సినిమాల మీద రామ్ చరణ్ ఇంకా ఫుల్ ఫోకస్ పెడుతున్నాడు. సినిమాకు సంబంధించిన ఏ యాస్పెక్ట్ ని వదలని చరణ్ తీయబోయే సినిమాలో ఏ ఫార్ములాలో హిట్ మిస్ అవ్వకూడదని చూస్తున్నాడు.. అందుకే హిట్ కాంబినేషన్ ని రిపీట్ చేస్తున్నాడు. ప్రస్తుతం తెలుగులో చేసిన సినిమాలన్ని హిట్ కొడుతున్న ఓ గోల్డెన్ బ్యూటీని తన సినిమాలో హీరోయిన్ గా చేపించే మార్గం చేస్తున్నాడు చెర్రి.
ప్రస్తుతం చరణ్ తర్వాత తీయబోయే సినిమా కోలీవుడ్ రీమేక్ 'తని ఒరువన్' సురేందర్ రెడ్డి డైరెక్ట్ చేస్తున్నాడు.. ఆ సినిమా త్వరలో స్టార్ట్ అవ్వబోతుంది. అయితే ముందుగా ఈ సినిమాలో హీరోయిన్ గా కాజల్, సమంత, అమ్యర దస్తర్ వంటి హీరోయిన్స్ పేర్లు వినపడ్డా ఇప్పుడు వీరందరిని కాదని సినిమాలో శృతి హాసన్ కి చాన్స్ ఇద్దామనే ఆలోచనలో ఉన్నారట. ప్రస్తుతం టాలీవుడ్లో వరుస హిట్స్ తో ఫుల్ ఫాంలో ఉన్న శృతి హాసన్ అయితే సినిమాకు కలిసి వస్తుందని చరణ్ మెగా ప్లాన్.
ఎవడు సినిమాలో చరణ్, శృతి హాసన్ :
ఇప్పటికే చరణ్, శృతి హాసన్ కలిసి చేసిన ఎవడు సినిమా మంచి హిట్ అయ్యింది. అయితే ఇప్పుడు అదే సెంటిమెంట్ తో ఈ సినిమా కూడా హిట్ అవుతుందని భావిస్తున్నాడు చెర్రి. ముందు ఈ సినిమా రైట్స్ బ్రూస్ లీ నిర్మాత దానయ్యే కొన్నా.. బ్రూస్ లీ లాసు వల్ల సినిమాను అల్లు అరవింద్ టేకప్ చేశాడని అంటున్నారు. కిక్-2 ఫ్లాప్ అయినా ముందు ఇచ్చిన మాట కోసం అతన్నే పెట్టి సినిమా తీస్తున్నాడు చరణ్. ప్రస్తుతం బ్రూస్ లీ కూడా అనుకున్నంత హిట్ కాకపోయే సరికి ఈ సినిమాతో ఎలాగైనా హిట్ కొట్టాలనే కసి మీదున్నాడు.
హిట్ కోసం చెర్రి పడుతున్న పాట్లు ఫలించి అనుకున్నది అనుకున్నట్టుగా జరిగి చరణ్ కి ఈ సినిమా సూపర్ హిట్ అవ్వాలని కోరుకుందాం. హిట్ కోసం చరణ్ వేసిన ఈ ప్లాన్ వర్క్ అవుట్ అయ్యి కోలీవుడ్లో లానే సినిమా ఇక్కడ కూడా సూపర్ హిట్ అవ్వాలని కోరుకుంటున్నారు మెగా ఫ్యాన్స్. మరి సినిమా ఎలాంటి రిజల్ట్ ఇస్తుందో చూడాలి.