రాజమౌళిని చూసి రవిబాబు కూడా చేస్తున్నాడు..!
క్రియేటివ్ డైరక్టర్ రవిబాబుకి పరిశ్రమలో మంచి పేరుంది. చిన్న బడ్జెట్ సినిమాలతో తాను రూపొందించే సినిమాలు చాలా పెద్ద సక్సెస్ అవుతుండటం జరుగుతుంది. సినిమా ఎలా తీయాలి ఎంత బడ్జెట్ లో తీయాలి అనేది రవిబాబు దగ్గర ఓ ప్లాన్ ఎప్పుడూ ఉంటూ ఉంటుంది. అటు సినిమాలను డైరెక్ట్ చేస్తూనే మరో పక్క తన పర్సనాలిటీకి తగ్గ పాత్ర దొరికితే దాన్ని కూడా చేసేస్తుంటాడు. ప్రస్తుతం రవిబాబు మరో ప్రయోగానికి సిద్ధమయ్యాడని తెలుస్తుంది.
సాధారణంగా రవిబాబు సినిమాలన్ని ప్రయోగాల్లానే ఉంటాయి మళ్లీ అందులో ప్రయోగం ఏంటని అనుకోవచ్చు ప్రస్తుతం పరాజయాలతో సతమతమవుతున్న రవిబాబు తర్వత చేయబోయే సినిమా ఓ జంతువుకి సంబంధించినదట. రాజమౌలి ఈగ లానే తాను కూడా ఓ గ్రాఫిక్ ఓరియెంటెడ్ సినిమా చేయబోతున్నట్టు సమాచారం. సినిమా మొత్తం గ్రాఫిక్స్ తో ఉంటాయన్నది తెలిసిన వార్త. ప్రస్తుతం కథా చర్చలు జరుగుతున్నాయట.. అది ఫైనల్ కాగానే సినిమాకు కావాల్సిన గ్రాఫిక్స్ గురించి ఆలోచిస్తారట.
సినిమా కచ్చితంగా ఈగ సినిమాలానే అద్భుతమైన గ్రాఫిక్స్ తో ఉంటాయని తెలుస్తుంది. సురేష్ బాబు ఈగ సినిమాకు నిర్మాణ రంగంలో సహాయపడ్డ సంగతి తెలిసిందే. ఈగ సినిమా రామానాయుడు స్టూడియోలోనే జరిగింది. అయితే రవిబాబు చేస్తున్న ఈ సినిమా సురేష్ బాబు నిర్మించడం విశేషం. రీసెంట్ గా వచ్చిన లడ్డూబాబు, అవును-2 ఫ్లాప్ అయినా రవిబాబు మీద ఉన్న నమ్మకం చేత సురేష్ బాబు తనకు ఈ సినిమా ఆఫర్ ఇచ్చాడట.
మరి రాజమౌలిలా రవిబాబు కూడా ప్రయోగం చేస్తున్నాడు సరే జక్కన్నలా హిట్ కొడతాడా లేక బొక్క బోర్లా పడతాడా అన్నది తెలియాల్సి ఉంది. సినిమా మీద ఫ్యాషన్ తో రాజీవ్ మీనన్ దగ్గర కెమెరా పనితనం నేర్చుకుని దర్శకత్వ శాఖలో పనిచేసి ఆ తర్వాత నటుడిగా మారిన రవిబాబు కెరియర్లో చెప్పుకోదగ్గ సినిమాలే చేశాడు. మరి ఈ ప్రయోగంతో ఏ రేంజ్ కి వెళ్తాడో చూడాలి.