'யு டர்ன்' திரைப்படத்தின் மூலம் கன்னட சினிமாவில் அறிமுகமான ஷ்ரத்தா ஸ்ரீநாத் தற்போது தமிழில் நிவின் பாலி நடிக்கும் 'உழிதவாறு கண்டந்தே' திரைப்பட ரீமேக்கில் ஹீரோயினாக நடித்து வருகிறார்.
இதையடுத்து ஷ்ரத்தா ஸ்ரீநாத், பிரபல இயக்குனர் மணிரத்னம் இயக்கும் 'காற்று வெளியிடை' திரைப்படத்தில் நடிக்க ஒப்பந்தமாகியுள்ளார். இந்த படத்தின் படப்பிடிப்பு, அண்மையில் ஊட்டியில் தொடங்கியது என்பது குறிப்பிடத்தக்கது.
ஷ்ரத்தா ஸ்ரீநாத்
இதில் கார்த்தி, ஆதிதி ராவ் இருவரும் ஜோடியாக நடிக்கின்றனர். இசையமைப்பாளர் ஏ.ஆர்.ரஹ்மான் இந்த படத்திற்கு இசையமைக்கிறார். மேலும் இதில் ஆர்.ஜே.பாலாஜி முக்கிய ரோலில் நடிக்கிறார்.
மேலும் இந்த படத்தில் ஷ்ரத்தா ஸ்ரீநாத், நடிக்கவுள்ள கதாப்பாத்திரம் குறித்த தகவல்கள் விரைவில் வெளிவரும் என எதிர்ப்பார்க்கப்படுகிறது.
