கவுதம் மேனனின் திரைப்பட ரிலீஸ் தேதி வெளியானது
கவுதம் மேனன் இயக்கத்தில் தற்போது 'அச்சம் என்பது மடமையடா' மற்றும் 'எனை நோக்கி பாயும் தோட்டா' ஆகிய திரைப்படங்கள் உருவாகுகின்றன. மேலும் அவரது தயாரிப்பில் 'நெஞ்சம் மறப்பதில்லை' மற்றும் 'தமிழ் செல்வனும் தனியார் அஞ்சலியும்' உள்ளிட்ட திரைப்படங்கள் உருவாகியுள்ளன.
இந்நிலையில் நீண்ட நாட்களாக கிடப்பில் உள்ள 'தமிழ் செல்வனும் தனியார் அஞ்சலியும்' திரைப்பட ரிலீஸ் தேதி தற்போது வெளியாகியுள்ளது. வரும் 15-ந்தேதி, இந்த படம் ரிலீஸ் ஆகும் என கூறப்படுகிறது.
தமிழ் செல்வனும் தனியார் அஞ்சலியும்
இந்த படத்தில் ஜெய், யாமி கவுதம், சந்தானம், விடிவி கணேஷ், நாசர், சரண்யா உள்ளிட்ட பலர் நடித்துள்ளனர். பிரேம் சாய் என்பவர் இயக்கியுள்ள இந்த படத்திற்கு கார்த்திக் இசையமைத்துள்ளார். மேலும் ரொமான்ஸ் திரைப்படமாக இப்படம் உருவாகியுள்ளது.
ஜெய் நடிப்பில் கடைசியாக வெளிவந்த 'புகழ்' திரைப்படம், ரசிகர்களிடம் பெரிதாக வரவேற்பு பெறாத நிலையில், ''தமிழ் செல்வனும் தனியார் அஞ்சலியும்'' திரைப்படம் நல்ல வரவேற்பு பெரும் என எதிர்ப்பார்க்கப்படுகிறது.