క్షణం దర్శకుడితో దగ్గుబాటి 'మనం'..!
మనం సినిమా చూశాక స్టార్ లెగసీ ఉన్న ఏ ఫ్యామిలీ అయినా సరే అలాంటి సినిమా ఒకటి తమ ఫ్యామిలీ గుర్తుగా ఉండాలని ఆలోచిస్తారు. అంతేకాదు ఆ క్రమంలో ప్రయత్నాలు కూడా చేస్తున్నారు కూడా.. ముఖ్యంగా దగ్గుబాటి హీరోలు మనం లాంటి కథ కోసం వెతుకుతున్నారు. అయితే ఇన్నాళ్ల నిరీక్షణ త్వరలో నెరవేరబోతుందని అంటున్నారు.
రీసెంట్ గా క్షణంతో దర్శకుడిగా తన సత్తా చాటిన రవికాంత్ దగ్గుబాటి మల్టీస్టారర్ కథను రానాకు వినిపించాడట. ఇక కథ నచ్చడంతో బాబాయ్ వెంకటేష్ తో కూడా చర్చలు జరిపినట్టు తెలుస్తుంది. రామానాయుడు కాలం చేయక ముందే దగ్గుబాటి వారు అందరు కలిసి ఓ సినిమా చేయాలని చూశారు. కాని పెద్దాయన వెళ్లిపోవడంతో ఆ విషయాన్ని పక్కనపెట్టేశారు.
అయితే కొద్దిరోజులుగా మనం లాంటి కథ కోసం వెతుకుతున్న దగ్గుబాటి వారికి రవికాంత్ చెప్పిన కథ బాగా కనెక్ట్ అయ్యిందట. క్షణం లాంటి చిన్న బడ్జెట్ ఓ భారీ హిట్ అందుకున్న ఈ దర్శకుడు దగ్గుబాటి లాంటి స్టార్ హీరోలతో సినిమా ఏ రేంజ్ లో ఉంటుందో చూడాలి. కాన్సెప్ట్ ఓరియెంటెడ్ సినిమాలతో కుర్ర దర్శకులు ఒకరికంటే ఒకరు తమ టాలెంట్ ప్రూవ్ చేసుకుంటున్నారు.
మరి దగ్గుబాటి మనం ఎలా ఉండబోతుందో చూడాలి. ప్రస్తుతం రానా బాహుబలి క్లైమాక్స్ తో పాటు తాను సోలోగా కమిట్ అయిన సినిమాలతో బిజీగా ఉన్నాడు. ఓ పక్క వెంకటేష్ కూడా బాబు బంగారం తర్వాత కిశోర్ తిరుమలతో చేసేందుకు సిద్ధమయ్యాడు. సో త్వరలో దగ్గుబాటి హీరోలంతా కలిసి సందడి చేసే సినిమా రాబోతుందన్నమాట.