ஜூலை 29-ம் தேதி, கத்தி சண்டை ஆடியோ ....
சூரஜ் இயக்கத்தில், விஷால் மற்றும் தமன்னா ஜோடியாக நடித்து வரும் திரைப்படம் 'கத்தி சண்டை'. இந்த படத்தில் வடிவேலு காமெடியனாக நடிக்கிறார்.
இதன் படப்பிடிப்பு தற்போது இறுதி கட்டத்தில் உள்ளது. இந்நிலையில் இந்த படத்தின் ஆடியோ வரும் ஜூலை 29-ந்தேதி வெளிவரவுள்ளதாக கூறப்படுகிறது. இதுகுறித்த அதிகார பூர்வத் தகவல்கள் விரைவில் வெளிவரும் என எதிர்ப்பார்க்கப்படுகிறது.
மேலும், முதன்முறையாக விஷால்-தமன்னா ஜோடி சேர்ந்திருக்கும் இந்த படத்திற்கு ஹிப் ஹாப் தமிழா ஆதி இசையமைக்கிறார். மெட்ராஸ் என்டர்ப்ரைசஸ் நிறுவனம் இந்த படத்தை தயாரிக்கிறது. காமெடி எண்டெர்டைனர் திரைப்படமாக இப்படம் உருவாகுகிறது.