சிவி குமாரின் மாயவன் டீசரை வெளியிட்ட பிரபல நடிகர்
முதன்முறையாக இயக்குனர் அவதாரம் எடுத்திருக்கும் சிவி குமார் தற்போது 'மாயவன்' என்ற திரைப்படத்தை இயக்கியுள்ளார். இதில் சந்தீப் கிஷன், ஜாக்கி ஷெராப், லாவண்யா திரிபாதி, டானியல் பாலாஜி, மிமி கோபி, ஜெயப்ரகாஷ் உள்ளிட்ட பலர் நடித்துள்ளனர்.
இந்த படத்தின் படப்பிடிப்பு முடிவடைந்து, தற்போது பின்தயாரிப்பு பணிகள் நடைபெற்று வருகின்றன. இந்நிலையில் சற்று முன்னர் இந்த படத்தின் டீசர் வெளியாகியுள்ளது. இந்த டீசரை நடிகரும், தயாரிப்பாளருமான சூர்யா வெளியிட்டுள்ளார்.
இணையதளத்தை கலக்கி வரும் இந்த டீசரை ரசிகர்கள் உற்சாகத்துடன் பார்த்து வருகின்றனர். மேலும் இந்த படத்தின் முதல் லுக் போஸ்டரை சமீபத்தில் ஹன்சிகா வெளியிட்டார் என்பது குறிப்பிடத்தக்கது.