நன்றி மறக்காத தனுஷ்... கை கொடுக்கும் கையாக மாறினார்...
சென்னை:
நன்றி மறப்பது என் பழக்கம் இல்லை என்பதை சொல்லாமல் சொல்லி வருகிறார். இவர்? யார் என்று கேட்கிறீர்களா?
தனுஷ்தான். ஆரம்பகாலத்தில் அண்ணன் படத்தின் வெற்றியை தாண்டி தனக்கான ஒரு இமேஜை வளர்த்துக் கொள்ள வேண்டும் என்று மிகவும் பிரயத்தனம் செய்த தனுசிற்கு கிடைத்த படம்தான் திருடாதிருடி. மாஸ் ஹிட் கொடுத்த இந்த படத்தை இயக்கியவர் சுப்ரமணி சிவா. இந்த படத்தின் வெற்றி மூலம் தான் அடுத்தக்கட்டத்திற்கு தனுஷ் வந்தார்.
தனக்கு மிகப்பெரிய வெற்றியை தேடி தந்தவர் என்பதால் தனுஷ் இப்படத்தின் இயக்குனர் சுப்ரமணி சிவாவிற்காக சீடன் படத்தில் நடித்துக்கொடுத்தார். அதுமட்டுமா? தான் நடித்த ஒரு சில படங்களில் உதவி இயக்குனராகவும் பணியாற்ற வாய்ப்பை ஏற்படுத்தி தந்தார்.
இப்போது வெற்றிமாறன் இயக்கும் வடசென்னை படத்தில் ஒரு முக்கியமான ரோலில் நடிக்க சிவாவை கமிட் செய்துள்ளாராம். இப்ப தெரியுதுங்களா? நன்றி மறப்பது நன்றன்று என்று தெரிந்து வைத்துள்ளார் தனுஷ் என்று.