சென்னை:
சிறப்பு... சிறப்பு... எதிர்பார்த்ததை விட சிறப்பாக வந்துள்ளது என்று முதல்முறையாக வாய்ஸ் விட்டுள்ளார் இயக்குனர்.
எந்த இயக்குனர்... எந்த படம் என்று தெரியுங்களா? தனுஷ் நடிக்க விரைவில் வர உள்ள தொடரி படம்தான். டீஸர், பாடல்கள் என ரசிகர்களை மிகுந்த எதிர்பார்ப்பில் தள்ளியுள்ள தனது படத்தை பற்றிதான் இயக்குனர் பிரபு சாலமன் தெரிவித்துள்ளதாவது:
தொடரி படத்துக்கும் புதுமுகங்கள் தேடினேன். ஆனால் படத்தின் பட்ஜெட் அதிகம் என்பதால் பெரிய நடிகர்களை நடிக்க வைக்க திட்டமிட்டேன். தனுஷும் இந்த வேடத்திற்கு பொருத்தமாக இருந்தார். நல்லதொரு புரிதல் காரணமாகவே படம் எதிர்பார்த்ததை விட சிறப்பாக வந்திருக்கிறது.
எனக்கு தெரிந்து தமிழில் ரயிலை வைத்து இதுவரை எந்த படமும் வந்தது இல்லை என்பதால் இந்த படம் ரசிகர்களுக்கு புதிய அனுபவமாக இருக்கும் என்று ரசிகர்களின் ஆர்வத்தை மேலும் கிளறி விட்டுள்ளார். சீக்கிரம் திரைக்கு கொண்டுவாங்க... வாங்க...
