உச்சத்துக்கு போக ....படம் தயாரிக்கும் கரண்...
வில்லன் நடிகராக பல திரைப்படங்களில் நடித்து வந்த கரண் தற்போது ஹீரோவாக திரைப்படங்களில் நடித்து வருகிறார். இவர் நடிப்பில் 'கொக்கி', 'குத்தகைக்காரன்' காத்தவராயன்' உள்ளிட்ட திரைப்படங்கள் வெளிவந்தது. இந்த படங்கள் எல்லாம் சுமாரான வரவேற்பு பெற்றதால், அவரால் சினிமாவில் நிலையாக நிற்க முடியவில்லை.
இந்நிலையில் அவர் தற்போது 'கே ப்ரொடக்ஷன் ஹவுஸ்' என்ற தயாரிப்பு நிறுவனத்தை தொடங்கியுள்ளார். இதில் முதல் படமாக 'உச்சத்துல சிவா' என்ற திரைப்படத்தை தயாரித்து வருகிறார். இந்த படத்தில் அவர் ஹீரோவாகவும், நேகா ஹீரோயினாகவும், ஆடுகளம் நரேன், கும்கி அஸ்வின், இளவரசு, ஞான சம்பந்தம் உள்ளிட்டோர் துணை ரோலிலும் நடித்து வருகின்றனர்.
இந்த படம் வித்தியாசமான கதையம்சத்தை கொண்டு உருவாகுகிறது. ஜேப்பி என்பவர் இந்த படத்தை இயக்குகிறார். இந்த படத்தின் மூலம் தன்னை நிலையான ஹீரோவாக்கி கொள்ளலாம் என கரண் எதிர்பார்த்துள்ளார். பார்ப்போம் இவரது எதிர்ப்பார்ப்பு நிறைவேறுமா என்பதை...