டிவி தொகுப்பாளருக்கு ஜோடியான ரம்யா நம்பீசன்
'வெண்ணிலா கபடி குழு', 'பீட்சா', 'சேதுபதி' உள்ளிட்ட திரைப்படங்களில் நடித்த ரம்யா நம்பீசன் தற்போது முதன்முறையாக டிவி தொகுப்பாளருக்கு ஜோடியாகியுள்ளார்.
விஜய் தொலைக்காட்சியில் தொகுப்பாளராகவும், சீரியல் நடிகராகவும் பணியாற்றிய கவின் தற்போது வெள்ளித்திரைக்கு அறிமுகமாகிறார். 'நட்புன்னா என்ன தெரியுமா' என்ற திரைப்படத்தில் இவர் ஹீரோவாக நடிக்க ஒப்பந்தமாகியுள்ளார்.
இதில் இவருக்கு ஜோடியாக ரம்யா நம்பீசன் நடிக்க உள்ளார். இயக்குனர் நெல்சனின் உதவியாளர் சிவகுமார் இந்த படத்தை இயக்கவுள்ளார். தரன் இசையமைக்கவுள்ள இந்த படத்தை லிப்ரா புரொடக்ஷன்ஸ் மற்றும் வனிதா பிகட்ர்ஸ் இணைந்து தயாரிக்கவுள்ளது.
மேலும் இப்படம் குறித்த தகவல்கள் விரைவில் வெளிவரும் என எதிர்ப்பார்க்கப்படுகிறது.