இளையதளபதி விஜய் நடிப்பில் தற்போது 'பைரவா' திரைப்படம் உருவாகி வருகிறது. இதன் படப்பிடிப்பு இறுதி கட்டத்தில் உள்ள நிலையில், வரும் 2017-ம் ஆண்டு பொங்கல் அன்று இப்படம் பிரம்மாண்டமாக வெளிவர உள்ளது.
இதையடுத்து 'தெறி' திரைப்படத்தின் இரண்டாம் பாகத்தில், அட்லீ இயக்கத்தில் விஜய் தனது 61-வது படத்தில் நடிக்க உள்ளார். இந்த படத்தை தேனாண்டாள் நிறுவனம் தயாரிக்கவுள்ளது ஆகியவற்றை நாம் ஏற்கனவே அறிந்தோம்.
இந்நிலையில், விஜய் நடிக்கவுள்ள 62-வது திரைப்படத்தின் இயக்குனர், தயாரிப்பாளர் குறித்த செய்திகள் வெளிவந்துள்ளது. இயக்குனர் செல்வராகவன், விஜய்யின் 62-வது திரைப்படத்தை இயக்கவுள்ளார். இந்த படத்தை நடிகர் பிரபு, 'சிவாஜி' புரொடக்ஷன்ஸ் நிறுவனம் சார்பில் தயாரிக்கவுள்ளதாக அறிவிக்கப்பட்டுள்ளது.
எனினும் இதுகுறித்த அதிகார பூர்வ தகவல்கள் வெளிவரும் வரை நாம் காத்திருக்க வேண்டியுள்ளது.
