శంకర్ జెంటిల్మన్ సీక్రెట్ బయటపెట్టిన రాజశేఖర్
సౌత్ ఇండియన్ స్టార్ డైరక్టర్స్ లో నేషనల్ లెవల్ లో ఫాలోయింగ్ ఉన్న దర్శకుడు శంకర్. శంకర్ చేసే ప్రతి సినిమా సంచలనాలు సృష్టించుకుంటూ వెళ్లింది. శంకర్ సినిమాలో ఛాన్స్ రావాలే కాని కాదనే వారు ఉంటారా.. కాని శంకర్ లాంటి దర్శకుడు వచ్చి సినిమా అవకాశం వచ్చినా కాదనేశాడట యాంగ్రీ యంగ్ మన్ డాక్టర్ రాజశేఖర్.
ఏంటి రాజశేఖర్ కు శంకర్ ఛాన్స్ అది కూడా హీరోగానా అంటే అది ఇప్పటి మాట కాదు. తెలుగు తమిళ భాషల్లో క్రేజ్ ఉండేలా ఓ హీరోతో సినిమా చేయాలని చూశాడు శంకర్. యాంగ్రీ ఇమేజ్ ఉన్న హీరో కావాలని చూడగా దానికి రాజశేఖర్ పర్ఫెక్ట్ అని తన దగ్గరకు వచ్చాడు. జెంటిల్మన్ సినిమా కథ చెప్పాడట.
అయితే అప్పటికే అల్లరి ప్రియుడు సినిమాను ఒప్పుకున్న రాజశేఖర్ డేట్స్ అడ్జెస్ట్ చేయడం కుదరక జెంటిల్మన్ ఆఫర్ కాదనేశాడట. 10 లక్షలు అడ్వాన్స్ ఇస్తా అన్నా సరే కమిట్మెంట్ మిస్ అవడం ఇష్టలేక సున్నితంగా తిరస్కరించాడట. జెంటిల్మన్ సినిమా ఇక ఎలాంటి ఘన విజయం సొంతం చేసుకుందో తెలిసిందే.
రాజశేఖర్ జెంటిల్మన్ మిస్ అయ్యి చేసిన అల్లరి ప్రియుడు సూపర్ హిట్ అయ్యింది. అయితే జెంటిల్మన్ సినిమా చేసుకుంటే కచ్చితంగా రాజశేఖర్ రేంజ్ వేరేలా ఉండేది. ప్రస్తుతం రాజశేఖర్ చేసిన గరుడవేగ ఈ శుక్రవారం రిలీజ్ అవుతుంది. ఈ సినిమా ప్రమోషన్స్ లో భాగమా జెంటిల్మన్ విషయాలను వెళ్లడించారు రాజశేఖర్.