రానా జడ్జిమెంట్ ముందు సురేష్ బాబు తేలిపోయాడా...!
రానా స్వయంగా రిలీజ్ చేసిన సినిమా కేరాఫ్ కంచరపాలెం. ఇంత చిన్న సినిమా పెద్ద సక్సెస్ అవుతుందని ఎవరు ఉహించి ఉండరు. అయితే ‘కేరాఫ్ కంచరపాలెం’ విషయంలో సురేష్ బాబు జడ్జిమెంట్ దారుణంగా ఫెయిలైందని ఇండస్ట్రీలో గుసగుసలు వినిపిస్తున్నాయి. ఈ చిత్రాన్ని అతితక్కువ బడ్జెట్ తో నిర్మించారు. నిజానికి సినిమా మేకింగ్ సమయంలో చాలా ఇబ్బందులు పడుతూ.. దానిని పూర్తిచేశారు.
అయితే.. చాలాకాలం కిందటే పూర్తయిపోయిన ఈ చిత్రం విడుదల కావడానికి చాలా సమయం తీసుకుంది. ఎందుకంటే.. రొటీన్ కమర్షియల్ చిత్రాలకు చాలా భిన్నంగా ఉండే ఈ చిత్రం ఎలాంటి ఫలితం సాధిస్తుందో బయ్యర్లు, డిస్ట్రిబ్యూటర్లు సరిగా అంచనా వేయలేకపోయారని సమాచారం. సినిమా రూపకర్తలు పలుమార్లు ప్రసాద్ ల్యాబ్స్ లో ప్రివ్యూలు వేసినా.. అది విడుదలకు మాత్రం నోచుకోలేదు.
లక్కీగా దగ్గుబాటి రానాకు ఈ చిత్రం నచ్చింది. రానా చొరవ తీసుకోవడంతో దీనికి మోక్షం లభించింది. ఆయనే స్వయంగా సినిమా పూర్తి హక్కులను కొనుక్కోవడంతో పాటూ... తాను కొన్న తరువాత.. సినిమా విడుదలకు హైప్ క్రియేట్ అయ్యేలా చొరవ తీసుకుని ప్రముఖ దర్శకులందరితో.. సినిమా ప్రమోషన్ గురించి చెప్పిస్తూ సక్సెస్ అయ్యారు.మొత్తానికి అది గ్రాండ్ సక్పెస్ ను నమోదు చేసింది. అయితే.. ప్రజలందరూ నీరాజనాలు పట్టిన తర్వాత గానీ.. సినిమాలో ఉన్న గొప్పదనం.. అనుభవజ్ఞులైన సినీ పండితులకు ముందుగా స్ఫురించకపోవడమే తమాషా!