మళ్ళీ సినిమా లోకి పవర్ స్టార్ భారీ సినిమాకు డీల్...?
పవర్ స్టార్ పవన్ కళ్యాణ్ సినిమా లకు పూర్తిగా స్వస్తి చెప్పి రాజకీయాల్లోకి వచ్చిన సంగతీ తెలిసిందే. అయితే పవన్ కళ్యాణ్ మళ్ళీ సినిమా లోకి రాబోతున్నాడని ఇప్పటికే చాలా వార్తలు వినిపించాయి. సినిమాలు వదిలి పూర్తిగా రాజకీయాలపైనా దృష్టిపెట్టిన జనసేనఅధినేత, హీరో పవన్ కళ్యాణ్ మళ్లీ సినిమాల్లో బిజీ కానున్నారా? ఆయన మెగా బడ్జెట్ సినిమాకు సైన్ చేశారా? సోషల్ మీడియాలో చక్కర్లు కొడుతున్న ఈ సమాచారం నిజమా వైరలా? ఈ విషయం బయటపెట్టిన వ్యక్తి సాధారణ వ్యక్తి అయితే రూమర్ అని కొట్టిపడేసేవాళ్లం.
కానీ, అమెరికాలో ఇండియన్ సినిమాల సెన్సార్ బోర్డులో సభ్యుడిగా ఉన్న ఉమైర్ సాంధూ ఈ విషయాన్ని వెల్లడించారు. ‘‘బ్రేకింగ్ న్యూస్: పవర్ స్టార్ పవన్ కళ్యాణ్ మెగా బడ్జెట్ మూవీకి సైన్ చేశారు. అయితే, ఈ సినిమా షూటింగ్ 2019 ఎన్నికల తర్వాతే ప్రారంభం అవుతుంది’’ అంటూ సాంధూ చేసిన ట్వీట్ సోషల్ మీడియాలో వైరల్ అయ్యింది. ఈ ట్వీట్ చూసి పవర్ స్టార్ అభిమానుల్లో కొందరు ఆనందపడినా.. చాలామంది ఆగ్రహం వ్యక్తం చేస్తున్నారు.
ఉమైర్ చేసిన ఈ ట్వీట్పై కొంతమంది అభిమానులు కన్నెర్రజేస్తున్నారు. ఇందులో నిజం లేదని, పవన్ కళ్యాణ్ ఇకపై పూర్తిగా రాజకీయాల్లోనే కొనసాగుతారని ఈ విషయాన్ని ఆయనే స్వయంగా వెల్లడించారని తెలుపుతున్నారు. ఉమైర్ అసత్య వార్తలు ప్రచారం చేస్తున్నారని మండిపడుతున్నారు. 2019 ఎన్నికల్లో పవన్కు సీఎం అయ్యే అవకాశాలున్నా... సినిమాలు చేస్తారా? అని మరో అభిమాని ప్రశ్నించాడు. ఉమైర్ చేసిన ట్వీట్ పెద్ద జోక్ అని, ఎవరూ నమ్మవద్దని మరికొందరు కొట్టిపడేస్తున్నారు.