‘కోబలి’ లో పవన్ ఇలా...!
పవన్ కళ్యాణ్ డ్రీమ్ ప్రాజెక్ట్ ‘కోబలి’ అసలు మొదలే కాలేదు అప్పుడే ఈ సినిమాకు సంబంధించిన ఫస్ట్ లుక్ ఎలా వచ్చింది అని ఆశ్చర్యపోకండి. ఇది పవన్ కళ్యాణ్ రుపొందించబోయే కోబలి సినిమాకు సంబంధించిన వార్తే. అయితే పవన్ కళ్యాణ్ వీరాభిమాని ఒకరు తన మేదోశక్తికి పదును పెట్టి ఈ పోస్టర్ ను క్రియేట్ చేసి సోషల్ నెట్ వర్కింగ్ సైట్స్ లోకి వదిలాడు. ప్రస్తుతం చాలా సైట్స్ లలో ఈ ఫస్ట్ లుక్ పోస్టర్ హడావుడి చేస్తోంది. ఒక విప్లవ యోధుడి జీవిత కధనాన్ని పవన్ కోబలి సినిమాగా తీస్తున్నాడు అంటూ చాలా రోజుల నుంచి వార్తలు వస్తున్నాయి. ఈ సినిమాను పవన్ ‘గబ్బర్ సింగ్-2’ తరువాత వచ్చే సంవత్సరం నిర్మిస్తాడు అనే టాక్ ఉంది. ఈ సినిమాకు మాటలమాంత్రికుడు పవన్ స్నేహితుడు త్రివిక్రమ్ శ్రీనివాస్ దర్శకత్వం వహిస్తాడు అంటూ వార్తలు కూడా వస్తున్నాయి.
పవన్ – త్రివిక్రమ్ లు భాగస్వాములుగా ఏర్పాటు చేసుకున్న పవన్ కళ్యాణ్ ఎంటర్ టైనమెంట్స్ నిర్మాణ సంస్థ సారధ్యంలో ఈ సినిమా వచ్చే సంవత్సరం సెట్స్ పైకి వస్తుంది అనే వార్తలు కూడా వస్తున్నాయి. ఈ వార్తలతో పాటుగా మరొక లేటెస్ట్ సమాచారం ఏమిటంటే, నిజాం కాలంలో జరిగిన తెలంగాణా సాయుధ పోరాటం నేపధ్యంలో ఈ కధ ఉంటుందని, రాష్ట్ర విభజన జరగడం ఇంచుమించు ఖాయం కనుక పవన్ తెలంగాణా లో తన ఇమేజ్ ను మరింత పెంచుకోవడానికి ఈ కోబలి ప్రాజెక్ట్ ను ఎత్తుకున్నాడు అనే వార్తలు కూడా వినిపిస్తున్నాయి. వచ్చే నెల గాంధీ జయంతి నాడు విడుదల కాబోతున్న ‘అత్తారింటికి దారేది’ సినిమా తరువాత పవన్ టాలీవుడ్ టాప్ హీరోగా మారడం ఖాయం అని వార్తలు వస్తున్న నేపధ్యంలో పవన్ కళ్యాణ్ ఆదర్శ భావాలకు సామాజిక చైతన్యానికి అనుగుణంగా ఈ కోబలి స్క్రిప్ట్ ఉంటుందని అంటున్నారు.
ఏది ఏమైనా అసలు సినిమాయే మొదలు కాకుండా ఆ సినిమా ఫస్ట్ లుక్ ను ఉహించుకుంటూ వెబ్ సైట్స్ లలో పెడుతున్న ఫోటోలకు నెటిజన్లు చూపిస్తున్న ఆత్రుత, క్రేజ్ చూస్తూ ఉంటే పవనిజం క్రేజ్ రాబోతున్న రోజులలో ఏ స్థాయికి చేరుకుంటుందో ఉహకందని వార్తలుగా తయారు అవుతోంది. అందుకే పవన్ అభిమానులు పవనిజం ది గ్రేట్ అంటారు.