వరుణ్ కొత్త రేటు చూస్తే కళ్లు బైర్లు కమ్మాల్సిందే
ఎఫ్ 2లో వరుణ్తేజ్ పాత్రకు కూడా మంచి పేరు వచ్చింది. ఫిదా, తొలిప్రేమ, ఎఫ్ 2 సినిమాలు వరుసగా హిట్ అవ్వడంతో ఇటు రెండు తెలుగు రాష్ట్రాలతో పాటు అటు అమెరికాలోనూ వరుణ్ మార్కెట్ బాగా పుంజుకుంది. ఇక తన రేటు పెంచేందుకు కొద్ది రోజులుగా వెయిట్ చేస్తోన్న వరుణ్ ఇదే కరెక్ట్ టైం అని అమాంతం తన రెమ్యునరేషన్ పెంచేశాడు. ప్రస్తుతం వరుణ్ తేజ్ సినిమా కి మూడు కోట్లు పారితోషికం తీసుకుంటున్నాడు. ఇప్పుడు ఈ రేటు కాస్త డబుల్ చేసేసినట్టు ఇండస్ట్రీలో గుసగుసలు వినిపిస్తున్నాయి.
మూడు కోట్ల పారితోషికం కాస్త ఆరు కోట్లు అయిందట. ఈ రేటు చూసి టాలీవుడ్ నిర్మాతల కళ్లు బైర్లు కమ్ముతున్నాయట. వరుణ్తో సినిమా అంటే వామ్మో అనే పరిస్థితి వచ్చేసింది. ఈ కొత్త రేటు కూడా వరుణ్ కొత్త చిత్రం వాల్మీకి నుంచి అమల్లోకి రానుందట. ఈ సినిమాను 14 రీల్స్ ఎంటర్టైన్మెంట్ బ్యానర్పై రామ్ ఆచంట, గోపి ఆచంట నిర్మిస్తున్నారు. ఈ సినిమాలో ముందుగా పూజా హెగ్డేను హీరోయిన్గా ఎంపిక చేయగా... ఆమె తప్పుకోవడంతో మరో హీరోయిన్ కోసం ఎంపిక వెతుకులాటలో ఉన్నారు.