ಬಿಡುಗಡೆ ಆಯ್ತು ರಾಬರ್ಟ್ ಪೋಸ್ಟರ್!
ದರ್ಶನ್ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಅಂದರೆ ಅದು ರಾಬರ್ಟ್. ಈ ಸಿನಿಮಾದ ಥೀಮ್ ಪೋಸ್ಟರ್ ಇದೀಗ ಬಿಡುಗಡೆ ಆಗಿದೆ. ಈ ಥೀಮ್ ಪೋಸ್ಟರ್ ವಿಭಿನ್ನವಾಗಿ ಇದ್ದು, ದರ್ಶನ್ ಅಭಿಮಾನಿಗಳಿಗೆ ಸಂತಸ ನೀಡಿದೆ. ಹಾಗಾದ್ರೆ ಈ ಥೀಮ್ ಪೋಸ್ಟರ್ ವಿಶೇಷತೆ ಆದ್ರೂ ಏನು?
ದರ್ಶನ್ ತಮ್ಮ ಟ್ವೀಟರ್ ಖಾತೆಯಲ್ಲಿ ರಾಬರ್ಟ್ ಚಿತ್ರದ ಥೀಮ್ ಪೋಸ್ಟರ್ ಹಂಚಿಕೊಂಡಿದ್ದಾರೆ. ಈ ಪೋಸ್ಟರ್ ನಲ್ಲಿ ದರ್ಶನ್ ಬೈಕ್ ಮೇಲೆ ಕುಳಿತಿದ್ದು, ಮೈಮೇಲೆ ಜಾಕೆಟ್ ಹಾಕಿದ್ದಾರೆ. ಜಾಕೆಟ್ ಮೇಲೆ ಆಮೆ ಚಿತ್ರವಿದೆ. ಜೊತೆಗೆ ಬೈಕ್ ಕೂಡ ವಿಶೇಷತೆಯಿಂದ ಕೂಡಿದೆ. ನಂಬರ್ ಪ್ಲೇಟ್ ಬದಲಾಗಿ, ಡಿ ಬಾಸ್ ಎಂದು ಬರೆಯಲಾಗಿದೆ.
ಈ ಸಿನಿಮಾದ ಥೀಮ್ ಪೋಸ್ಟರ್ ರಂಜಾನ್ ಹಬ್ಬದ ವಿಶೇಷವಾಗಿ ಹೊರಬಂದಿದೆ. ಈ ಪೋಸ್ಟರ್ ಇದೀಗ ಸಾಮಾಜಿಕಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದ್ದು, ಟ್ವೀಟರ್ ನಲ್ಲಿ #Robertthemeposter ಎಂದು ಟ್ರೆಂಟ್ ಆಗುತ್ತಿದೆ.
ಈ ಚಿತ್ರವನ್ನು ತರುಣ್ ನಿರ್ದೇಶನ ಮಾಡುತ್ತಿದ್ದು, ಉಮಾಪತಿ ಚಿತ್ರ ನಿರ್ಮಾಣ ಮಾಡಿದ್ದಾರೆ. ತರುಣ್ ಅವರಿಗೆ ಇದು ಎರಡನೇ ಸಿನಿಮಾ ಈ ಹಿಂದೆ ಚೌಕ ಅನ್ನೋ ಸಿನಿಮಾ ಮಾಡಿದ್ದರು.
ನೀವೆಲ್ಲರೂ ಕಾತುರದಿಂದ ಕಾಯುತ್ತಿರುವ ‘ರಾಬರ್ಟ್’ ಚಿತ್ರದ ಥೀಮ್ ಪೋಸ್ಟರ್ ನಿಮಗಾಗಿ. ಚಿತ್ರದ ಥೀಮ್ ಹಾಗೂ ನನ್ನ ಫರ್ಸ್ಟ್ ಲುಕ್ ಹೇಗಿರಬಹುದೆಂಬ ಚಿತ್ರಣವನ್ನು ಇದರಲ್ಲಿ ಬಣ್ಣಿಸಲಾಗಿದೆ. @UmapathyFilms ಬ್ಯಾನರ್ ಅಡಿಯಲ್ಲಿ, @TharunSudhir ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. @umap30071#RoberrtThemePoster #Roberrt pic.twitter.com/qy3tzZubPt— Darshan Thoogudeepa (@dasadarshan) June 5, 2019