ಹೀರೋ ಆಗುತ್ತಿರುವ ಹಾಸ್ಯನಟ ಚಿಕ್ಕಣ್ಣ!
ಕನ್ನಡದಲ್ಲಿ ಸಾಕಷ್ಟು ಹಾಸ್ಯ ನಟರು ಹೀರೋಗಳಾದ ಉದಾಹರಣೆ ಇವೆ. ಈ ಸಾಲಿನಲ್ಲಿ ಜಗ್ಗೇಶ್, ಕೋಮಲ್ ಹಾಗೂ ಇನ್ನೂ ಅನೇಕರಿದ್ದಾರೆ. ಆದರೆ ಇದೀಗ ಹೊಸ ಸೇರ್ಪಡೆ ಅಂದರೆ, ಅದು ಚಿಕ್ಕಣ್ಣ. ಹೌದು, ಹಾಸ್ಯನಟ ಚಿಕ್ಕಣ್ಣ ಅವರು ಇದೀಗ ಹೀರೋ ಆಗ್ತಾ ಇದ್ದಾರೆ. ಈ ವಿಷ್ಯವನ್ನು ಅವರೇ ಹೊರ ಹಾಕಿದ್ದಾರೆ.
ಹೌದು , ಚಿಕ್ಕಣ್ಣನಿಗೆ ಸದ್ಯಕ್ಕೆ ಡಿಮ್ಯಾಂಡ್ ಇದೆ. ಅವರು ಹೀರೋಗಳ ಮಟ್ಟಿಗೆ ಬ್ಯುಸಿ ಆಗಿದ್ದಾರೆ. ಇಷ್ಟು ದಿನಗಳ ಕಾಲ ನಾಯಕರ ಜೊತೆಗೆ ಸಿನಿಮ ಮಾಡಿಕೊಂಡು ಬಂದಿದ್ದ ಅವರು, ಇದೀಗ ತಾವೇ ಹೀರೋ ಆಗುತ್ತಿದ್ದಾರೆ. ಕಳೆದ ವಾರ ನಡೆದ ವೀಕೆಂಡ್ ವಿಥ್ ರಮೇಶ್ ಕಾರ್ಯಕ್ರಮದಲ್ಲಿ ಅವರು ಈ ವಿಷ್ಯ ಹೊರ ಹಾಕಿದರು.
ಅಂದಹಾಗೆ ಚಿಕ್ಕಣ್ಣ ಹೀರೋ ಆಗಲಿರುವ ಮುಂದಿನ ಚಿತ್ರವನ್ನು ನಿರ್ದೇಶಕ ಮಂಜು ಮಾಂಡವ್ಯ ಅವರು ನಿರ್ದೇಶನ ಮಾಡುತ್ತಿದ್ದಾರೆ. ಹೆಬ್ಬುಲಿ ಹಾಗೂ ರಾಬರ್ಟ್ ಚಿತ್ರದ ನಿರ್ಮಾಪಕ ಉಮಾಪತಿ ಅವರು ಈ ಚಿತ್ರಕ್ಕೆ ಬಂಡವಾಳ ಹಾಕುತ್ತಿದ್ದಾರೆ. ಅಲ್ಲದೇ ಮಂಜು ಮಾಂಡವ್ಯ ಜೊತೆಗೆ ರಾಜಾಹುಲಿ ಚಿತ್ರದಲ್ಲಿ ಚಿಕ್ಕಣ್ಣ ನಟಿಸಿದ್ದರು.
ಹಾಗಾದರೆ ಚಿಕ್ಕಣ್ಣ ಹೀರೋ ಆಗುತ್ತಿರುವ ಚಿತ್ರ ಅದ್ಯಾವುದು ಅಂತೀರಾ? ಅದೇ ಭರತ ಬಾಹುಬಲಿ. ಹೌದು, ಮಂಜು ಮಾಂಡವ್ಯ ಹಾಗೂ ಚಿಕ್ಕಣ್ಣ ಕಾಂಬಿನೇಷನ್ ನಲ್ಲಿ ಈ ಚಿತ್ರ ಮೂಡಿ ಬರುತ್ತಿದೆ. ಈ ಎಲ್ಲ ಸಿನಿಮಾಗಳ ನಂತರವೂ ಈ ಜೋಡಿಯ ಚಿತ್ರಗಳು ಮುಂದುವರೆಯುತ್ತವೆ.