టాలీవుడ్ టాప్ చెయిర్ పై కన్నేసిన విజయ్ దేవరకొండ..!
విజయ్ దేవరకొండ.. ప్రస్తుతం యువ ప్రేక్షకులంతా జపిస్తున్న పేరు. హీరో అంటే పద్ధతిగా ఉండాలి.. ఇలానే మాట్లాడాలి అన్న కంచెలను చెరిపేసి తన ఫ్యాన్స్ ను రౌడీస్ అంటూ పిలిచే విజయ్ దేవరకొండ ప్రస్తుతం టాలీవుడ్ లో క్రేజీ హీరోగా మారాడు. ఎవడే సుబ్రహ్మణ్యం సినిమాలో నాని ఫ్రెండ్ గా అలరించిన విజయ్ దేవరకొండ పెళ్లిచూపులు సినిమాతో హిట్ అందుకున్నాడు.
ఇక ఆ తర్వాత వచ్చిన అర్జున్ రెడ్డి సినిమా విజయ్ సత్తా ఏంటో చూపించింది. ఆ సినిమాతోనే విజయ్ కు యూత్ లో భారీ ఫాలోయింగ్ ఏర్పడింది. దర్శకుడు తనకు ఇచ్చిన పాత్రకు నూటికి నూరుపాళ్లు న్యాయం చేస్తూ నటుడిగా ది బెస్ట్ అనిపించుకుంటున్నాడు విజయ్ దేవరకొండ. అర్జున్ రెడ్డి తర్వాత ద్వారక సినిమా ఆశించిన ఫలితాన్ని ఇవ్వకున్నా మళ్లీ గీతాగోవిందం సినిమాతో ఏకంగా 100 కోట్ల క్లబ్ లో చేరాడు.
లాస్ట్ ఇయర్ టాక్సీవాలా సినిమాతో మరో హిట్ తన ఖాతాలో వేసుకున్న విజయ్ దేవరకొండ శుక్రవారం డియర్ కామ్రేడ్ సినిమాతో ప్రేక్షకుల ముందుకు వచ్చాడు. నిన్న రిలీజైన ఈ సినిమా మిక్సెడ్ టాక్ తెచ్చుకోగా కలక్షన్స్ మాత్రం బాగానే రాబట్టింది. తనదైన యూనిక్ స్టైల్ తో సినిమా సినిమాకు తన రేంజ్ పెంచుకుంటూ వెళ్తున్నాడు విజయ్ దేవరకొండ.
డియర్ కామ్రేడ్ టాక్ తో సంబంధం లేకుండా కలక్షన్స్ వస్తున్నాయి. చూస్తుంటే టాలీవుడ్ స్టార్ హీరోలందరిని వెనక్కి నెట్టి టాప్ చెయిర్ సొంతం చేసుకునే భారీ స్కెచ్ వేసినట్టు ఉన్నాడు. ఇప్పటికే విజయ్ ను తెలంగాణా మెగాస్టార్ అంటుండగా దాన్ని నిజం చేసేలా సినిమా సినిమాకు తన నట విశ్వరూపం చూపిస్తున్నాడు మన డియర్ కామ్రేడ్. మరి విజయ్ ఇలానే తన కెరియర్ కొనసాగించి నిజంగానే స్టార్స్ కు మంచి పోటీ ఇచ్చేలా ఉండాలని ఆశిద్దాం.