అల్లు అర్జున్- త్రివిక్రమ్ సినిమా లేటెస్ట్ న్యూస్..!
ఇదిలా ఉండగా ఈ సినిమాలో సీనియర్ హీరోయిన్ టాబు మరియు అక్కినేని కుటుంబానికి చెందిన అక్కినేని సుశాంత్ నటించడంతో ఈ సినిమాపై తెలుగు సినిమా ప్రేక్షకులకు ఆసక్తి నెలకొంది. ముఖ్యంగా వెరైటీ సబ్జెక్టు త్రివిక్రమ్ సినిమాలో అల్లు అర్జున్ ని గతంలో ఎన్నడూ చూపించని విధంగా చూపిస్తున్నట్లు అనేక వార్తలు సోషల్ మీడియాలో హల్ చల్ చేస్తున్న క్రమంలో అలా వైకుంఠపురం సినిమాపై ఆసక్తి అంచనాలు విపరీతంగా నెలకొన్నాయి. ఇదిలావుండగా ఇటీవల ఈ సినిమాకి సంబంధించి “సామజవరగమన” సాంగ్ విడుదలయ్యి యూట్యూబ్ లో అనేక రికార్డులు సృష్టిస్తోంది.
అయితే తాజాగా ఈ సినిమాకి సంబంధించిన లేటెస్ట్ న్యూస్ మరొకటి ఇండస్ట్రీలో వినబడుతోంది. అదేమిటంటే ఈ సినిమా నుంచి సెకండ్ సింగిల్ ను విడుదల చేసేందుకు చిత్ర యూనిట్ సన్నాహాలు చేస్తున్నట్టు తెలుస్తుంది.ఈ పాటను ఈ దీపావళి కానుకగా విడుదల చేసే యోచనలో చిత్ర యూనిట్ ఉన్నట్టు తెలుస్తుంది.సాధ్యమైనంతవరకు కూడా ఈ దీపావళికే “అల వైకుంఠపురములో” సెకండ్ సింగిల్ రావడం ఖాయమని తెలుస్తుంది. దీంతో ఈ వార్త బయటకు రావడంతో మెగా అభిమానులు సినిమా సాంగ్ కోసం ఎంతో ఆశగా ఎదురుచూస్తున్నారు.