ದಬಾಂಗ್-3 ಟೀಸರ್ ರಿಲೀಸ್, ಸಿನಿ ಪ್ರಿಯರಿಂದ ಭರ್ಜರಿ ರೆಸ್ಫಾನ್ಸ್!
ಬಾಲಿವುಡ್ ನ ಖ್ಯಾತ ನಟ ಸಲ್ಮಾನ್ ಖಾನ್ ರ ದಬಾಂಗ್ 3 ಚಿತ್ರದಲ್ಲಿ ಕನ್ನಡಿಗ ಅಭಿನಯ ಚಕ್ರವರ್ತಿ ಸುದೀಪ್ ಅಭಿನಯಿಸುವ ಈ ಚಿತ್ರದ ಟೀಸರ್ ಇದೀಗ ರಿಲೀಸ್ ಆಗಿದ್ದು ಭರ್ಜರಿ ರೆಸ್ಫಾನ್ಸ್ ಪಡೆದುಕೊಂಡಿದೆ. ಈ ದಬಾಂಗ್ 3 ಚಿತ್ರದ ಕನ್ನಡ ವರ್ಷನ್ ಇದೀಗ ರಿಲೀಸ್ ಆಗಿದೆ.
ಸೂಪರ್ ಹಿಟ್ ಡೈಲಾಗ್ಸ್ , ಕಿಕ್ ಕೊಡೋ ಕಾಮಿಡಿ. ಭುಜ ಕುಣಿಸೋ ಸಾಂಗ್ಸ್. ಜಬರ್ದಸ್ತ್ ಆ್ಯಕ್ಷನ್. ಸಲ್ಲು ಸ್ಟೈಲ್ ರೊಮ್ಯಾನ್ಸ್. ಫೈನಲಿ ಮಾಫಿಯಾ ಡಾನ್ ಬಲ್ಲಿ ಸಿಂಗ್ ಅವತಾರದಲ್ಲಿ ಕಿಚ್ಚನ ಖದರ್ರು. ವಾಹ್, ದಬಾಂಗ್ 3 ಆ್ಯಕ್ಷನ್ ಪ್ಯಾಕ್ಡ್ ಟ್ರೈಲರ್ ಏಕ್ದಮ್ ಎಂಟ್ರಟ್ರೈನ್ಮೆಂಟ್ ಪ್ಯಾಕೇಜ್. 3 ನಿಮಿಷದ ಟ್ರೈಲರ್ ದಬಾಂಗ್-3 ಸಿನಿಮಾದ ಕಂಪ್ಲೀಟ್ ಚಿತ್ರಣವನ್ನ ಬಿಡಿಸಿಟ್ಟಿದೆ. ಪ್ರಭುದೇವಾ ಆ್ಯಕ್ಷನ್ ಕಟ್ನಲ್ಲಿ ಸಲ್ಮಾನ್ ಖಾನ್ ನಟಿಸ್ತಿರೋ ದಬಾಂಗ್ ಸರಣಿಯ ಮೂರನೇ ಸಿನಿಮಾ ದಬಾಂಗ್-3.
ಈ ಬಾರಿ ಕಿಚ್ಚನ ಎಂಟ್ರಿಯಿಂದ ದಬಾಂಗ್ 3 ಅಖಾಡ ನಿಜಕ್ಕೂ ಕಳೆಕಟ್ಟಿದೆ. ಭರ್ಜರಿ ಆ್ಯಕ್ಷನ್ ಧಮಾಕ ಜೊತೆಯ ಎಲ್ಲಾ ಪಾತ್ರಗಳನ್ನ ಪರಿಚಯಿಸಿ, ಎಂಟ್ರಟ್ರೈನಿಂಗ್ ಟ್ರೈಲರ್ ಕಟ್ ಮಾಡಿದೆ ಚಿತ್ರತಂಡ. ಒನ್ಸ್ ಅಗೇನ್ ಚುಲ್ಬುಲ್ ಪಾಂಡೆ ಅವತಾರದಲ್ಲಿ ಸಲ್ಮಾನ್ ಖಾನ್ ಕಮಾಲ್ ಮಾಡೋ ಸುಳಿವು ಕೊಟ್ಟಿದ್ದು, ಸಿನಿಮಾ ಮೇಲಿನ ನಿರೀಕ್ಷೆ ಹೆಚ್ಚಿಸಿದೆ.
ದಬಾಂಗ್-3 ಸಿನಿಮಾ ಕನ್ನಡಕ್ಕೂ ಡಬ್ ಆಗಿ ರಿಲೀಸ್ ಆಗ್ತಿದ್ದು, ಕನ್ನಡ ಟ್ರೈಲರ್ಗೂ ಭರ್ಜರಿ ರೆಸ್ಪಾನ್ಸ್ ಸಿಕ್ತಿದೆ. ಚಿತ್ರದಲ್ಲಿ ಮಾಫಿಯಾ ಡಾನ್ ಅವತಾರದಲ್ಲಿ ಕಿಚ್ಚ ಸುದೀಪ್ ಧೂಳೆಬ್ಬಿಸಿದ್ದಾರೆ. ಇದು ದಬಾಂಗ್ ಪ್ರೀಕ್ವೆಲ್ ಸಿನಿಮಾ. ಯಂಗ್ ಚುಲ್ಬುಲ್ ಪಾಂಡೆಯ ಕಥೆಯನ್ನ ಚಿತ್ರದಲ್ಲಿ ಹೇಳಲಾಗ್ತಿದ್ದು, ಆತನಿಗೆ ಎದುರಾಳಿಯಾಗಿ ಸುದೀಪ್ ಮಿಂಚಿದ್ದಾರೆ. ಬಲ್ಲಿ ಸಿಂಗ್ ಆಗಿ ಸುದೀಪ್ ಲುಕ್ಕು, ಆ್ಯಟಿಟ್ಯೂಡ್, ಕಣ್ಣಲ್ಲೇ ಕೊಲ್ಲೋ ಪರಿ ಸಿಂಪ್ಲಿ ಸೂಪರ್ಬ್. ಇವರಿಬ್ಬರ ಏಟು- ಎದಿರೇಟು, ಕ್ಲೈಮ್ಯಾಕ್ಸ್ನಲ್ಲಿ ಬೇರ್ ಬಾಡಿ ಫೈಟು ಪ್ರೇಕ್ಷಕರಿಗೆ ಸಖತ್ ಮಜಾ ಕೊಡಲಿದೆ. ಚಿತ್ರವು ಡಿಸೆಂಬರ್ 20 ಕ್ಕೆ ತೆರೆಕಾಣಲಿದೆ.