'విజిల్' ని వెనక్కి నెట్టిన 'ఖైదీ'....!!
కోలీవుడ్ ఇళయదళపతి విజయ్ హీరోగా అట్లీ కుమార్ దర్శకత్వంలో తెరకెక్కిన తాజా సినిమా బిగిల్. తెలుగులో విజిల్ పేరుతో అనువదించబడ్డ ఈ సినిమాను నిర్మాత mahesh KONERU' target='_blank' title='మహేష్ ఎస్ కోనేరు -గురించి లేటెస్ట్ అప్డేట్స్, ఫోటోలు, వీడియోల కొరకు వెంటనే క్లిక్ చేయండి. ">మహేష్ ఎస్ కోనేరు తెలుగులో రిలీజ్ చేయడం జరిగింది. ఇకపోతే నేడు ఎన్నో అంచనాల మధ్య ప్రేక్షకుల ముందుకు వచ్చిన ఈ సినిమా ఓవర్ అల్ గా యావరేజ్ టాక్ ని సంపాదించడం జరిగింది. విజయ్ సరసన నయనతార హీరోయిన్ గా నటించిన ఈ సినిమాకు ఏఆర్ రెహమాన్ సంగీతాన్ని అందించడం జరిగింది. విజయ్ డ్యూయల్ రోల్ లో నటించిన ఈ సినిమా, మంచి సందేశంతో పలు కమర్షియల్ హంగులతో తెరకెక్కడం జరిగింది. ఇక సినిమా ఫస్ట్ హాఫ్ పెద్దగా ఆకట్టుకోదని,
ఇక సెకండ్ హాఫ్ పర్వాలేదనిపించిందని మెజారిటీ ప్రేక్షకులు చెప్తున్న మాట. ఇకపోతే దీనితో పాటు నేడు ప్రేక్షకుల ముందుకు వచ్చిన మరొక సినిమా ఖైదీ. లోకేష్ కానకరాజ్ దర్శకత్వంలో కార్తీ హీరోగా తెరకెక్కిన ఈ సినిమాను డ్రీం వారియర్ పిక్చర్స్ వారు నిర్మించడం జరిగింది. కార్తీ ఈ సినిమాలో పదేళ్ల శిక్ష అనుభవించిన ఖైదీగా నటించడం జరిగింది. డ్రగ్స్ నేపథ్యంలో పోలీసులకు సాయం చేసి వారిని కాపాడే ఒక లారీ డ్రైవర్ కథగా ఈ సినిమా సాగుతుందట. ఇకపోతే కథ మరియు కథనాలే ప్రధాన బలంగా సాగిన ఈ సినిమాకు మెజారిటీ ప్రేక్షకులు మంచి టాక్ ని అందించడం జరిగింది. మధ్యలో కొద్దిపాటి ల్యాగ్స్ ఉన్నప్పటికీ, హీరోయిన్, సాంగ్స్, రొమాంటిక్ సీన్స్ వంటివి లేకుండా,
కేవలం ఒక్క రాత్రిలో మంచి థ్రిల్లింగ్ యాక్షన్ ఎపిసోడ్స్ తో సాగిన ఈ సినిమాలో కార్తీ నటన ఎంతో అద్భుతంగా ఉందని అంటున్నారు ప్రేక్షకులు. ఈ విధంగా సరికొత్త కాన్సెప్ట్ తో ప్రేక్షకుల ముందు వచ్చిన కార్తీ, మొత్తానికి చాలా రోజుల తరువాత మంచి హిట్ కొట్టాడని, రాబోయే రోజుల్లో ఈ సినిమా మంచి కలెక్షన్స్ ని సాధించే అవకాశం కనపడుతోందని అంటున్నారు ట్రేడ్ విశ్లేషకులు. అయితే విజిల్ తో కంపేర్ చేస్తే, కార్తీ ఖైదీకి ఎక్కువగా పాజిటివ్ రెస్పాన్స్ వినపడుతోందని కూడా చెప్తున్నారు మరి రాబోయే రోజుల్లో ఈ రెండు సినిమాలు ఎంతమేర కలెక్షన్ సంపాదిస్తాయో చూడాలి.....!!