ఇటీవల వరుస సినిమాల హిట్ తో (యూ టర్న్, ఓ బేబీ, మజిలీ) ఆకట్టుకున్న భామ సమంత. ప్రస్తుతం ఈ భామ తమిళ సూపర్ హిట్ మూవీ 96కు రీమేక్గా తెరకెక్కుతున్న సినిమాలో నటిస్తుంది. ఈ సినిమాలో హీరో శర్వానంద్ కాగా, హీరోయిన్ గా సమంత నటిస్తుంది. ఇప్పటికే సినిమాలో సమంతకు సంబంధించిన చిత్రీకరణ పూర్తయ్యింది. దీంతో తన తదుపరి చిత్రాల మీద దృష్టి పెట్టింది సామ్..
పెళ్లి తరువాత టాలీవుడ్లో టాప్ హీరోయిన్గా కొనసాగుతున్న ఈ బ్యూటీ. అక్కినేని నాగచైతన్యను ప్రేమించి పెళ్లి చేసుకున్న సమంత, పెళ్లి తరువాత తన పాత్రల ఎంపికలో జాగ్రత్తగా అడుగులు వేస్తోంది. ఎక్కువగా లేడీ ఓరియంటెడ్ సినిమాలు మాత్రమే చేస్తున్న ఈ భామ, నటనకు ఆస్కారం ఉన్న పాత్రల కోసం ఎదురుచూస్తోంది. ప్రస్తుతం 96 రీమేక్ పనుల్లో బిజీగా ఉన్న స్టార్ హీరోయిన్ సమంత, తన నెక్ట్స్ సినిమాలపై దృష్టి పెట్టింది. విభిన్న చిత్రాలు చేసే ఆలోచనలో ఉన్న సామ్ కొత్త కథలతో వస్తే బోల్డ్గా నటించేందుకు కూడా సిద్ధమంటోంది.
96 రీమేక్ తరువాత సమంత ఏ ప్రాజెక్ట్ను అంగీకరించలేదు. ఓ వెబ్ సీరిస్లో నటించేందుకు ఓకే చెప్పిన అది ఫుల్ లెంగ్త్ రోల్ కాదు. దీంతో సమంత చేయబోయే నెక్ట్స్ సినిమా ఏంటన్న చర్చ మొదలైంది. సరైన లేడీ ఓరియంటెడ్ కథల కోసం ఎదురుచూస్తున్న సామ్, కొత్త దర్శకులతో అయిన సినిమాకు రెడీ అంటోంది.
రెగ్యులర్ ఫార్ములా సినిమాలకు భిన్నంగా ఉండే కథలు ఎవరైన తీసుకువస్తే తాను చేసేందుకు రెడీ అంటోంది. అంతేకాదు కథ డిమాండ్ చేస్తే బోల్డ్గా నటించేందుకు అయినా ఓకే అంటోంది. 96 రీమేక్ తరువాత ప్రస్తుతం బ్రేక్ తీసుకున్న సామ్.. త్వరలోన తదుపరి చిత్రాన్ని ఫైనల్ చేసే పనిలో ఉంది. మరి సమంతను మెప్పించే ఆ దర్శకుడు ఎవరో తెలియాలంటే మరి కొద్ది రోజులు వెయిట్ చేయాల్సిందే.