రానా బర్త్డే గిఫ్ట్... కొత్త లుక్ అదిరిందిగా!
ఈబయంగ్ హీరో ప్రస్తుతం భారీ ప్లాన్లో ఉన్నాడు. ఆరోగ్య సమస్యల కారణంగా కొంత కాలంగా సినిమాలకు దూరంగా ఉన్న రానా, ఇప్పుడిప్పుడే తిరిగి సినిమాల్లో బిజీ అవుతున్నాడు. ప్రస్తుతం రెండు సినిమాలు చేస్తున్న టాలీవుడ్ హంక్ త్వరలో ఓ భారీ చిత్రాన్ని ప్రారంభించేందుకు రెడీ అవుతున్నాడు.
ఎన్టీఆర్ బయోపిక్ తరువాత రానా ఏ సినిమాలోనూ నటించలేదు. ఆ సినిమాలో చంద్రబాబు పాత్రలో కనిపించిన రానా, ఆ పాత్రలో చాలా సన్నగా కనిపించాడు. అయితే ముందుగా క్యారెక్టర్ కోసమే రానా బరువు తగ్గాడని భావించినా, తరువాత ఆరోగ్యం సరిగాలేదన్న వార్తలు రావటంతో అంతా నిజమే అనుకున్నారు. యంగ్ హీరో రానా స్పీడు పెంచాడు. ఇప్పటికే అరణ్య షూటింగ్ పూర్తి చేసిన రానా, తాజా తన నెక్ట్స్ సినిమా ఫస్ట్ లుక్ను రివీల్ చేశాడు. ఈ రోజు రానా పుట్టిన రోజు సందర్భంగా విరాట పర్వం సినిమాలోని రానా లుక్ని రివీల్ చేశారు. ఈ ఫస్ట్ లుక్ పోస్టర్లో సినిమా కంటెంట్ ఎలా ఉండబోతుందో కూడా హింట్ ఇచ్చారు. నీది నాది ఒకే కథ ఫేం వేణు ఉడుగుల దర్శకత్వంలో తెరకెక్కుతున్న విరాటపర్వం సినిమాలో సాయి పల్లవి రానాకి జోడిగా నటిస్తోంది. అంతేకాదు ఈ సినిమాలో సాయి పల్లవి నక్సలైట్ పాత్రలో నటిస్తుందన్న ప్రచారం జరుగుతోంది.
బెల్లి లలిత జీవిత కథ ఆధారంగా సినిమాను రూపొందిస్తున్నారన్న టాక్ వినిపిస్తోంది. అందుకు తగ్గట్టుగా ఈ సినిమాలో సాయి పల్లవి డీ గ్లామర్ రోల్లో కనిపించనుందట. ఈ సినిమాను రానా తండ్రి, ప్రముఖ నిర్మాత సురేష్ బాబు, సుధాకర్ చెరుకూరితో కలిసి నిర్మిస్తున్నారు.