'అల వైకుంఠపురములో' : సినిమాలో ఆ సీన్స్ మాత్రం అదుర్స్ అంటబ్బా.....??
ప్రస్తుతం టాలీవుడ్ స్టైలిష్ స్టార్ అల్లు అర్జున్ హీరోగా తెరకెక్కుతున్న తాజా సినిమా అలవైకుంఠపురములో. బన్నీ సరసన రెండవ సారి పూజహెగ్డే హీరోయిన్ గా నటిస్తున్న ఈ సినిమాకు మాటల మాంత్రికుడు త్రివిక్రమ్ శ్రీనివాస్ సంగీతాన్ని అందిస్తుండగా హారిక హాసిని క్రియేషన్స్, గీతా ఆర్ట్స్ సంస్థలపై అల్లు అరవింద్ మరియు ఎస్ రాధాకృష్ణ ఎంతో భారీ ఖర్చుతో నిర్మిస్తున్నారు. ఇప్పటికే ఈ సినిమా నుండి మూడు సాంగ్స్ మరియు ఫస్ట్ లుక్ టీజర్ యూట్యూబ్ లో రిలీజ్ అయి ఫ్యాన్స్ మరియు ప్రేక్షకుల నుండి విశేషమైన స్పందనను రాబట్టడం జరిగింది.
టీజర్ లో బన్నీ ఎంతో స్టైలిష్ గా కనపడడంతో పాటు సినిమాపై అంచనాలు పెంచేయడం జరిగింది. సునీల్, టబు, మురళీశర్మ, అక్కినేని సుశాంత్, నివేత పేతురాజ్, జయరాం తదితరులు నటిస్తున్న ఈ సినిమాలో కోలీవుడ్ ఫేమస్ నటుడు సముద్రఖని విలన్ గా నటిస్తున్నట్లు తెలుస్తోంది. కాగా మంచి కమర్షియల్ అండ్ ఫ్యామిలీ ఎంటర్టైనర్ గా తెరకెక్కుతున్న ఈ సినిమాలో బన్నీ చేసే ఫైట్స్ అదిరిపోతాయని, మరీ ముఖ్యంగా విలన్ దగ్గరకు బన్నీ వెళ్లి వార్నింగ్ ఇచ్చే సీన్స్ అయితే టోటల్ సినిమాకు అతి పెద్ద హైలైట్ అని, ఆ సీన్స్ కి బన్నీ ఫ్యాన్స్ కి గూస్ బంప్స్ రావడం ఖాయమని టాలీవుడ్ వర్గాల టాక్. ఇక తన సినిమాల్లో హీరోకు స్టైలిష్ గా ఫైట్స్ డిజైన్ చేయించడంలో ఎంతో పేరుగాంచిన త్రివిక్రమ్,
ఈ సినిమాలో కూడా సందర్భానుసారం మొత్తం ఐదు ఫైట్స్ పొందుపరిచినట్లు చెప్తున్నారు. ఫస్ట్ హాఫ్ తో పోలిస్తే సెకండ్ హాఫ్ మరింత యాక్షన్ ప్యాక్డ్ గా ఉంటుందని కూడా అంటున్నారు. మ్యూజిక్ డైరెక్టర్ థమన్ ఈ సినిమాకి సాంగ్స్ తో పాటు అదిరిపోయే రేంజ్ లో బ్యాక్ గ్రౌండ్ స్కోర్ కూడా అందించాడట. అదీకాక గతంలో బన్నీ మరియు త్రివిక్రమ్ ల కాంబోలో వచ్చిన రెండు సినిమాలు కూడా మంచి హిట్ కొట్టి ఉండడంతో ఈ సినిమా కూడా హిట్ సాధించి వారి కాంబినేషన్లో హ్యాట్రిక్ కొట్టడం ఖాయం అని అంటున్నారు ఆయన ఫ్యాన్స్. కాగా సంక్రాంతి కానుకగా జనవరి 12న ఈ సినిమా రిలీజ్ కానుంది.....!!