వహ్వా అనిపిస్తున్న మెగాస్టార్, సూపర్ స్టార్ సాండ్ ఆర్ట్.....!!
టాలీవుడ్ సూపర్ స్టార్ మహేష్ బాబు హీరోగా ప్రస్తుతం తెరకెక్కుతున్న సరిలేరు నీకేవ్వరు మూవీ పై రోజురోజుకు అంచనాలు తారాస్థాయికి చేరుతున్నాయి. ఇప్పటికే ఈ సినిమా నుండి యూట్యూబ్ లో రిలీజ్ అయిన ఫస్ట్ లుక్ టీజర్ మరియు నాలుగు సాంగ్స్ కి శ్రోతల నుండి విశేషమైన స్పందన లభించడంతో పాటు, అవి సినిమాపై అమాంతం అంచనాలు పెంచేసాయి. మహేష్ బాబు తన కెరీర్ లో తొలిసారిగా మిలిటరీ మేజర్ అజయ్ కృష్ణ అనే పాత్రలో నటిస్తున్న ఈ సినిమాకు సక్సెస్ఫుల్ డైరెక్టర్ అనిల్ రావిపూడి దర్శకత్వం వహిస్తుండగా, దిల్ రాజు, మహేష్ బాబు, అనిల్ సుంకర ఈ సినిమాని ఎంతో ప్రతిష్టాత్మకంగా నిర్మిస్తున్నారు.
ఇక ఈ సినిమా నుండి డ్యాంగ్ డ్యాంగ్ అనే మాస్ బీట్ సాంగ్ టీజర్ ఈరోజు రాత్రి 7 గంటల 2 నిమిషాలకు విడుదల కానుంది. ఇకపోతే జనవరి 5న హైదరాబాద్ లోని లాల్ బహదూర్ స్టేడియం లో ఎంతో వేడుకగా జరుగనున్న ఈ సినిమా ప్రీ రిలీజ్ ఈవెంట్ కు మెగాస్టార్ చిరంజీవి ప్రత్యేక అతిథిగా విచ్చేయనున్నారు. ఇదివరకు మహేష్ టక్కరిదొంగ సినిమాకు క్లాప్ ని, అలానే నిజం సినిమా ఆడియో ఫంక్షన్ కు విచ్చేసిన మెగాస్టార్, చాలా గ్యాప్ తరువాత మహేష్ సినిమా ప్రీ రిలీజ్ ఈవెంట్ కి ప్రత్యేకంగా విచ్చేస్తున్నారు. ఇక మెగాసూపర్ స్టార్ల ఈ మేగాకలయిక కోసం అటు మెగా ఫ్యాన్స్ తో పాటు ఇటు సూపర్ స్టార్ ఫ్యాన్స్ కూడా ఎంతో ఆశగా ఎదురుచూస్తున్నారు.
అయితే నేడు మెగాస్టార్ ని మరియు సూపర్ స్టార్ లను కలిపి ఒక అభిమాని వేసిన సాండ్ ఆర్ట్, ప్రస్తుతం చూపరులను ఎంతో ఆకర్షించడంతో పాటు, పలు సోషల్ మీడియా మాధ్యమాల్లో కూడా ఎంతో వైరల్ అవుతోంది. అజిత్ కుమార్ అనే వ్యక్తి వేసిన ఈ సాండ్ ఆర్ట్ ని పలువురు నెటిజన్లు విపరీతంగా మీడియా మాధ్యమాల్లో వైరల్ చేస్తున్నారు. ఇక మెగాస్టార్ ఈ సినిమా ప్రీ రిలీజ్ ఈవెంట్ కి విచేస్తుండడంతో సరిలేరు పై అందరిలో హైప్స్ మరింతగా పెరిగాయి. కాగా ఈ సినిమా, జనవరి 11న రిలీజ్ కానుంది.....!!