బన్నీ ప్లేస్ లో ఆ మాస్ హీరో.. మారుతి ప్లాన్ అదిరిందిగా..!
ఈరోజుల్లో సినిమాతో మొదలైన మారుతి డైరక్షన్ టాలెంట్.. మొదట్లో నెగటివ్ మార్కులు తెచ్చుకున్నా తర్వాత మంచి పేరు తెచ్చుకున్నాడు. ఇప్పుడు ఫ్యామిలీ మొత్తం కూర్చుని చూసే సినిమాలు తీస్తూ ప్రేక్షకుల మనసులు గెలుస్తున్నాడు డైరక్టర్ మారుతి. లాస్ట్ ఇయర్ చివర్లో వచ్చిన ప్రతిరోజూ పండుగే సినిమాతో సూపర్ హిట్ అందుకున్న మారుతి తన నెక్స్ట్ సినిమా ప్లాన్ లో ఉన్నాడు. అసలైతే స్టైలిష్ స్టార్ అల్లు అర్జున్ హీరోగా ఓ సినిమా ప్లాన్ చేయగా అది ఇప్పుడప్పుడే వర్క్ అవుట్ అయ్యేలా లేదని మరో హీరోతో సినిమా ప్రయత్నాల్లో ఉన్నాడు.
ఇక లేటెస్ట్ సమాచారం ప్రకారం మారుతి ఓ మాస్ సినిమా ప్రయత్నాల్లో ఉన్నాడని తెలుస్తుంది. మాస్ హీరో గోపిచంద్ తో ఈ సినిమా ఉంటుందని టాక్. హీరో నుండి విలన్ గా ఆ తర్వాత మళ్ళీ హీరోగా మారి సినిమాలు చేస్తున్న గోపిచంద్ కొన్నాళ్లుగా కెరియర్ వెనుకపడ్డాడు. ప్రస్తుతం సంపత్ నంది డైరక్షన్ లో సీటిమార్ సినిమా చేస్తున్న గోపిచంద్, తేజ డైరక్షన్ లో అలివేలుమంగ వెంకట రమణ సినిమా కూడా లైన్ లో ఉంది.
ఈ సినిమాల తర్వాత మారుతి డైరక్షన్ లో సినిమా ఉంటుందని తెలుస్తుంది. మారుతి సినిమా అంటే మినిమం గ్యారెంటీ ఉంటుంది. అలాంటిది మాస్ హీరో గోపిచంద్ తో సినిమా కాబట్టి సినిమాపై అంచనాలు పెరిగే ఛాన్స్ ఉంది. తప్పకుండా ఈ కాంబో సినిమా మీద ఆడియెన్స్ ఆసక్తి చూపిస్తారు. మరి ఈ సినిమాకు సంబందించిన అఫిషియల్ న్యూస్ ఎప్పుడు వస్తుందో చూడాలి. ఈ కాంబినేషన్ సెట్ అయితే గోపిచంద్ మళ్ళీ హిట్ ట్రాక్ లోకి వచ్చే అవకాశం ఉంది.