పిచ్చి పలు విధాలు .....అందులో ఇదో రకం ......!!
టాలీవుడ్ దర్శకుడు రామ్ గోపాల్ వర్మ, ముందుగా పలు మూవీ డైరెక్టర్స్ దగ్గర అసిస్టెంట్ గా పని చేసి, ఆపై కొన్నేళ్ల తరువాత కింగ్ నాగార్జున తో తొలిసారిగా మెగా ఫోన్ పట్టి తీసిన సినిమా శివ. అప్పట్లో అతి పెద్ద సంచలన విజయాన్ని అందుకున్న ఆ సినిమాతో వర్మకు విశేషమైన పేరు, ప్రఖ్యాతలు దక్కాయి. ఇక అక్కడి నుండి తెలుగులో వరుసగా సినిమాలు చేస్తూ ముందుకు సాగిన వర్మ, ఆపై బాలీవుడ్ కి వెళ్లి అక్కడ కూడా మంచి సక్సెస్ లు అందుకున్నారు.
మొదటి నుండి ఏ విషయాన్ని అయినా తనదైన స్టైల్ లో కుండబద్దలు కొట్టినట్లుగా మాట్లాడే అలవాటున్న వర్మ, ఇటీవల మాత్రం తన దర్శకత్వ వైఖరిలో కొంత మార్పు చేసి, ఎక్కువగా పలు వివాదాస్పద అంశాలను కథా వస్తువులుగా ఎంచుకుంటూ సినిమాలు తీస్తున్నారు. ఇక ఒకప్పటితో పోలిస్తే ఇటీవల వర్మ తీస్తన్న సినిమాలేవీ కూడా బాక్సాఫీస్ దగ్గర విజయాలు అందుకోవడం లేదు. అయితే తాను
తనకు నచ్చిన విధంగా సినిమాలు తీస్తానని, ఇష్టమైన వాళ్ళు అవి చూడవచ్చు, లేని వాళ్ళు మానేయవచ్చని అంటుంటారు వర్మ. ప్రస్తుతం వర్మ తీస్తున్న వివాదాస్పద సినిమా పవర్ స్టార్. టాలీవుడ్ హీరో పవర్ స్టార్ పవన్ కళ్యాణ్ పై కొంత వ్యంగ్యంగా ఆయన తీస్తున్న ఈ సినిమాపై ఇప్పటికే పవర్ స్టార్ ఫ్యాన్స్ తీవ్ర నిరసన వ్యక్తం చేస్తున్నారు.
ఇది ఎన్నికల ఫలితాలు వచ్చిన తరువాత కథ అని, అలానే ఇందులో హీరో పాత్ర ఒక కల్పితమైనదని, అంతేతప్ప తాను ఎవరినీ ఉద్దేశించి కానీ, కించపరుస్తూ కానీ ఈ సినిమా తీయడం లేదని వర్మ అంటున్నారు. తాను చిరు, పవన్ లకు పెద్ద ఫ్యాన్ ని తరచూ చెప్పే వర్మ, ఈ విధంగా పవన్ కళ్యాణ్ ని పరోక్షంగా అపహాస్యం చేసేలా సినిమా తీయడం నిజంగా దారుణం అని, పిచ్చి పలు విధాలు అని మన పెద్దవాళ్ళు అన్నట్లుగా, ఇదో రకం పిచ్చి అంటూ, వర్మని ఉద్దేశించి పలు సోషల్ మీడియా మాధ్యమాల్లో కామెంట్స్ చేస్తున్నారు....!!